| e-texts navigator |
| Wylie |
34b1 འོད་ཀྱི་ཕུང་པོར་གནས།། ཁ་དོག་སྣ་ཚོགས་འབར་བའི་འོད།། ཉི་ལྟར་གསལ་ཞིང་མཁའ་ལྟར་དྭངས།། ཞེས་གསུངས་སོ།། སྐུ་ཡི་འོད་ལ་བཞུགས་ཤིང་གསུང་གི་ཟེར་ལ་འཕྲོ།། ཞེས་གསུངས་སོ།། ལོངས་སྐུའི
34b2 ངོ་སྤྲད་པས་ཞིང་ཁམས་རྣམ་པར་དག་པར་རང་གྲོལ་དུ་བསྟན་པའོ།། མ་བསྒོམས་ཐུག་ཕྲད་ཀྱི་ཞིང་ཁམས།། མ་བསྐྱེད་རང་འཁྲུངས་ཀྱི་སྐུ།། སྐུ་རྒྱན་གྱི་འཁོར་ལོ།། གསུང་རྒྱན་གྱི་འཁོར་ལོ།། ཐུགས་རྒྱན་གྱི་འཁོར
34b3 ལོ།། ངོ་སྤྲད་པའི་ལེའུ་སྟེ་ལྔ་པའོ།། ། དེ་ནས་ཡང་བཀའ་སྩལ་པ།། རྒྱུ་ཡི་ཀུན་ཏུ་བཟང་པོ་དེ་ལ་ངོ་སྤྲད་བསྟན་པ་ནི།། དཔེ་མ་ནོར་བ་དང་།། དོན་མ་ནོར་བ་དང་།། རྟགས་མ་ནོར་བར་ངོ
34b4 སྤྲསྨད་པའོ།། དཔེ་མ་ནོར་བ་ནི་རྣམ་པ་གསུམ་སྟེ།། ཁྱུང་དང་སེང་གེ་རྣ་བ་ཡི།། རྣལ་འབྱོར་རྒྱུ་ཡི་དཔེ་གསུམ་ཡིན།། ཁྱུང་ཕྲུག་སྒོ་ངའི་ནང་དུ་ནི།། གཤོག་རུ་རྒྱལ་ཏེ་ཕྱིར་མ་འཐོན།། དཔེར་ན་རྣལ་འབྱོར་རྟོགས་ལྡན
34b5 དེ།། འགྱུར་བ་འགྱུར་ཏེ་འགྱུར་བ་མེད།། དཔེར་ན་ཁྱུང་ཕྲུག་ཕྱིར་འཐོན་པས།། སྒོང་ང་བཅག་པས་མ་དང་མཉམ།། འོག་མ་རྣམས་ལ་ཉམ་མི་ང་།། འབད་རྩོལ་མེད་པར་མཁའ་ལ་ལྡིང་།། མ་དང་མཉམ་སྟེ་དབྱེ་བ
34b6 མེད།། རྣོ་ཞིང་གསོ་ཡི་ཁར་མ་ལུས།། དཔེར་ན་ནོར་བས་དོན་དང་མཇལ།། ཞེས་གསུངས་སོ།། དཔེར་ན་རྟོགས་པའི་རྣལ་འབྱོར་དེ།། རྟགས་མ་ནོར་བ་འདི་ལྟ་སྟེ།། འོག་མའི་ཆོས་རྣམས་དོན་ལ་རྫོགས།། ཡང་དག
iiif viewer powered by OpenSeadragon
