| e-texts navigator |
| Wylie |
34a1 བྱ།། རྟོགས་པ་མངོན་དུ་གྱུར་ཞེས་དེ་ལ་བྱ།། འབྲས་བུ་ཀུན་ཏུ་བཟང་པོ་ལ་ངོ་སྤྲད་པའི་ལེའུ་སྟེ་བཞི་པའོ།། །། དེ་ནས་ལོངས་སྐུའི་ངོ་སྤྲད་བསྟན་དུ་གསོལ། ཞེས་ཞུས་པས། ཡང་བཀའ
34a2 སྩལ་པ།། མཚན་དང་དཔེ་བྱད་རྫོགས་པ་ལ།། སྒྱུ་མ་ལྷུན་གྲུབ་ཡུལ་ལ་རོལ།། སྐུ་ནི་སྒྱུ་མ་ལྟའོ།། སྣང་ལ་རང་བཞིན་མེད་པའི་སྐུ།། ཀུན་ཏུ་ཞལ་ནི་ཕྱོགས་བཅུར་གཟིགས།། ཡེ་ཤེས་ལུས་ཅན་དེ་བཞིན
34a3 གཤེགས།། གསུང་ནི་བྲག་ཆ་ལྟ་བུའི་གསུང་།། ཚངས་པའི་གསུང་འདྲ་སྙན་པར་སྒྲོགས།། ཐུགས་ནི་སྒྱུ་མ་སྤྲུལ་པར་གསལ།། སྒྱུ་མ་རང་གསལ་གཞན་ཡང་གསལ།། ཇི་རྙེད་པ་དང་ཇི་ལྟ་མཁྱེན་པ་ཡིན།། ཤིན་ཏུ
34a4 འདུ་བ་རྣམས་པ་ཐམས་ཅད་མཁྱེན་པའོ།། ཡུལ་ནི་སྣང་ལ་རང་བཞིན་མེད་པ་སྟེ།། ཁ་དོག་སྣ་ཚོགས་འབར་པའི་འོད།། སྒྱུ་མ་ལྟ་བུའི་ཞིང་ཁམས་གསལ།། བཏེག་ན་ཕར་ལ་མནན་ནེམ།། འཁོར་ནི་རང་སྣང་ཆེན་པོ
34a5 སྟེ།། རྡོ་རྗེ་སྐྱིལ་ཀྲུང་རྫོགས་སངས་རྒྱས།། ཤར་ཕྱོགས་ཞལ་ནི་མཐིལ་ཁའི་རྩལ།། རྡོ་རྗེ་སེམས་དཔའ་ལ་སོགས་པ།། ཐམས་ཅད་མ་ལུས་མཐིང་ཁར་སྣང་།། ལྷོ་ཕྱོགས་ཞལ་ནི་སེར་པའི་གདངས།། རིན་འབྱུང་ལ
34a6 སོགས་སེར་པོར་སྣང་།། ནུབ་ཕྱོགས་ཞལ་ནི་དམར་པོ་སྟེ།། སྣང་བ་མཐའ་ཡས་ལ་སོགས་པ།། ཐམས་ཅད་མ་ལུས་དམར་པོར་སྣང་།། བྱང་དུ་ཞལ་ནི་ལྗང་ཁུར་གསལ།། ཀུན་ཏུ་ལྟ་བ་མཆོག་ཏུ་དགའ།། ཀུན་ཀྱང
iiif viewer powered by OpenSeadragon
