| e-texts navigator |
| Wylie |
33b1 པའོ།། དེས་ནི་ཆགས་ལྡང་རླུང་ཆེན་བྱུང་།། ཆགས་སྡང་ལྔ་ཡང་ཨ་ལས་བྱུང་།། བརྗོད་པ་ཀུན་གྱི་རྒྱུ་ཡི་མཆོག། ཅེས་གསུངས་སོ།། རྡོ་རྗེ་རྣལ་འབྱོར་མིའི་རྒྱུད་ལས་འགྲོ་དྲུག་ཏུ་འཁྲུལ་པའི་ལེའུ་སྟེ་གསུམ
33b2 པའོ།། ། དེ་ནས་རོལ་ལངས་བདེ་བ་ཡིས།། རྡོ་རྗེ་སེམས་དཔའ་ལ་ཞུས་པ།། ཀུན་ཏུ་བཟང་པའི་རྟོགས་ཚད་དང་།། ཁམས་གསུམ་མ་ནུའི་དགོངས་པ་དེ།། གཅིག་གམ་ཐ་དད་ཇི་ལྟར་ལགས།། ཞེས་ཞུས་པས། རྡོ་རྗེ
33b3 སེམས་དཔས་བཀའ་རྩལ་པ།། ཀུན་བཟང་གཞི་ནས་འཁྲུལ་པ་ནི།། བློ་གྲོས་བཟང་སྟེ་གྲོལ་བ་དང་།། རྡོ་རྗེ་སེམས་དཔའ་སྒྱུ་མ་ལྔ་མཁྱེན་པ།། ཁམས་གསུམ་མ་ནུའི་འཁྲུལ་པ་གཉིས།། རྒྱུ་ལས་དབྱེར་མེད་ལྕགས
33b4 དང་འདྲ།། རྒྱུ་ལས་དབྱེར་མེད་གསེར་དང་འདྲ།། འབྲས་བུ་ཐ་དད་རང་ཤར་དེ།། ཀུན་ཏུ་བཟང་པོ་རྣམས་གཉིས་ཡིན།། འབྲས་བུ་ཀུན་ཏུ་བཟང་པོ་དེ།། ཡིད་ཀྱི་གཟུགས་བརྙན་སྦྲུལ་སྐུ་ཤེས།། འོད་ཀྱི་གཟུགས
33b5 བརྙན་ལོངས་སྐུར་ཤེས།། མཚན་དང་དཔེ་བྱད་ཆོས་སྐུར་ཤེས།། ཤེས་རིག་ཡུལ་ལས་འདས་པའི།། སྣང་ལ་རང་བཞིན་མེད་པས་ཡུལ་ལས་གྲོལ།། གསལ་ལ་རྟོགས་པ་མེད་པས་ཡིད་ལས་གྲོལ།། མི་སྣང་རང་བཞིན
33b6 མེད་པས་ལམ་ལས་གྲོལ།། དབྱེར་མེད་རང་སར་གྲོལ་བས་ཐ་དད་དང་དུ་གྲོལ།། ཡེ་ཤེས་སྐུ་སྟེར་རང་བྱུང་བས།། མཚན་མ་རང་སར་གྲོལ་པས་དབྱེ་བ་མེད།། རང་སར་གྲོལ་བ་ཐ་དད་ངང་དུ་གྲོ་ཞེས་དེ་ལ
iiif viewer powered by OpenSeadragon
