| e-texts navigator |
| Wylie |
32a1 རྒྱ་གར་སྐད་དུ། བཛྲ་ཡོ་གི་ཌཱ་ནི་ས་ནུ་ཀྲོ་ཀྲོ་ཏནྟྲ་ནཱ་མ། བོད་སྐད་དུ། རྡོ་རྗེ་རྣལ་འབྱོར་མའི་རྒྱུད། མཁའ་འགྲོ་མ་འདི་སྐད་ཅེས་བྱ་བ།། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སྟོན་པ་རྡོ་རྗེ
32a2 སེམས་དཔའ་ཞེས་བྱ་བ་ལ།། འཁོར་རྒྱལ་སྲས་སྤྲུལ་པའི་འཁོར་དང་། ཉིད་ལས་མི་ཞན་པའི་འཁོར་དང་། དབང་མེད་དད་པས་བསྡུས་པའི་འཁོར་དང་ཐབས་ཅིག་ཏུ་བཞུགས་ཏེ།། འོག་མིན་གྱི་ཞིང་ཁམས་པདྨ་ཅན
32a3 དང་བདེ་བ་ཅན་ཞེས་བྱ་བ་ན་གནས་ཏེ།། དུས་དེར་བྱང་ཆུབ་སེམས་དཔའ་དགའ་རབ་རྡོ་རྗེས།། སྟོན་པ་རྡོ་རྗེ་སེམས་དཔའ་ལགས།། བདག་ཅག་མཁའ་འགྲོ་མ་རྣམ་པ་ལྔ་འཁོར་དང་བཅས་པ་ལ་ཡང་དག་པའི
32a4 དོན་ཐིག་ལེའི་དགོངས་པ་བསྟན་དུ་གསོལ། ཞེས་ཞུས་སོ།། བཅོམ་ལྡན་འདས་རྡོ་རྗེ་སེམས་དཔས་བཀའ་སྩལ་པ། རྒྱུ་ཡི་བྱང་ཆུབ་སེམས་དཔའ་དཔའ་མོ་རྣམས།། འབྲས་བུ་བྱང་ཆུབ་སེམས་དཔར་ལ་ཟླ་བར
32a5 བྱའོ།། དུས་ནམ་ཞིག་ན་དམ་པའི་ཆོས་ཉི་མ་ཤར་བ་དང་འདྲ་བ་འོང་སྟེ། དེ་ནས་དམ་པའི་ཆོས་ཐམས་ཅད་ནུབ་སྟེ་མི་སྣང་བར་འགྱུར་རོ།། དེའི་དུས་སུ་མུན་སྣང་གི་བསྐལ་བ་བྱ་བ་འབྱུང་ངོ་།། དེ་ནས་ངའི་བསྟན་པ
32a6 རྒྱ་ཐེབ་ཤཀྱ་ཐུབ་པའི་བསྟན་པ་ནུབ་ཁ་རུ་དམ་པའི་རྒྱུད་དེ་དར་བར་འགྱུར།། གྱུར་ནས་ཀྱང་འབྱོར་པའི་ལམ་དུ་རེ་སྔོན་སློངས་དུ་འགྱུར་རོ།། ཞེས་རྡོ་རྗེ་སེམས་དཔའ་བཀའ་སྩལ་པ་ལོ།། རྡོ་རྗེ་རྣམ་འབྱོར་མའི་རྒྱུད
iiif viewer powered by OpenSeadragon
