| e-texts navigator |
| Wylie |
30a1 ལ་ཡེ་ཤེས་སེམས་ཀྱིས་བསླད།། རྟེན་པའི་བྱང་ཆུབ་འདོད་ན་ཆུ་དང་རྙོག་པ་གཞིན།། རྟོགས་པའི་ཡེ་ཤེས་འདོད་ན་ཆུ་དང་འོ་མ་བཞིན།། སེམས་དང་ཡེ་ཤེས་དབྱེ་བའི་མན་ངག་བསྟན།། ཞེས་ཡེ་ཤེས
30a2 དྲི་མ་མེད་པའི་རྒྱུད་ལས།། དུས་གསུམ་གྱི་སངས་རྒྱས་དགོངས་པ་རྒྱུད་པའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས།། འོག་མིན་ལྕང་ལོ་ཅན་གྱི་ཕོ་བྲང་དུ་སེང་གེ
30a3 ལྟ་བུའི་སྒྲས་བཤད།། ཞུས་པ་པོ་རྡོ་རྗེ་འཛིན་པས་གསང་ཆེན་རོལ་པའི་དུར་ཁྲོད་མེ་རི་འབར་བཞེས་བྱ་བ།། ཉིན་ཞིང་དུ་བ་འཐུལ་པ།། མཚན་མོ་མེ་འབར་བ་མ་མོ་དང་།། གཤིན་རྗེ་དང་།། གནོད་སྦྱིན་མང་པོ་འདུ
30a4 བའི་གནས་དེ་ནམ་མཉན་ནོ།། ཀྱེ་རྡོ་རྗེ་འཛིན་པ་ཉོན་ཅིག། ངས་ཕྱོགས་བཅུའི་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་ཀློང་བརྟོལ་བ།། ནོར་བུ་དྲི་མ་མེད་པའི་མན་ངག་གི་རྒྱུད་འདི་བསྟན
30a5 པར་བྱའོ།། དེ་ཡང་དང་པོར་ལུང་ལས་འདས་པའི་ཆོས།། གཞིའི་འདུག་ཚུལ་ངོ་བསྟན་པ་དང་།། གཉིས་པའི་ལུང་དང་མན་ངག་གིས་ཡིད་ཆེས་པར་བྱེད་པའི་ཆོས།། སྐུ་གསུམ་གྱི་འདུག་ཚུལ་ངོ་བསྟན་པ
30a6 དང་།། གསུམ་པས་སངས་རྒྱས་ཀྱི་རྒྱུད་ལྔས་བློའི་ཐེ་ཚོམ་དང་ཤེས་པའི་ཟག་གཅད་པའི་དོན་དུ།། རྒྱུད་ཀྱི་མན་ངག་གི་སྦྱོར་མཚམས་ཀྱི་དོན་བསྟན་པའོ།། ཆོས་ཀྱི་སྐུ་ངོ་སྤྲད་པ་ལ་བཞི་སྟེ།། གཞི་ཤེས་པ་ཆོས
iiif viewer powered by OpenSeadragon
