| e-texts navigator |
| Wylie |
2b1 ལྡན་པས།། སྤྲོས་བྲལ་མེད་པ་གསུང་དུ་གསོལ།། ཅེས་ཞུས་སོ།། རིག་པའི་རྒྱལ་པོས་བཀའ་སྩལ་པ།། རང་སྣང་རྩོལ་བྲལ་ཐེག་པ་འདི།། འཛིན་པའི་སྤྱོད་ཡུལ་མ་ཡིན་གྱིས།། ཁྱོད་ཀྱིས་གོ་བ་ཤིན་ཏུ་དཀའ།། ཞེས
2b2 གསུངས་སོ།། རྡོ་རྗེ་སེམས་དཔས་ཞུས་པ།། རྩོལ་བྲལ་ཐེག་པའི་མཚན་ཉིད་དེ།། དེ་ཡི་རྟོགས་ཚུལ་ཇི་ལྟར་ལགས།། ཞེས་ཞུས་སོ།། རིག་པའི་རྒྱལ་པོས་བཀའ་སྩལ་པ།། རྩོལ་བྲལ་ཐེག་པའི་རྟོགས་ཚུལ
2b3 འདི།། འཛིན་མེད་རང་བྱུང་ངོ་བོར་རྟོགས།། ཞེན་པ་མེད་པའི་རང་བྱུང་ལ།། གཟའ་གཏད་མེད་པའི་ངོ་བོར་རྟོགས།། རྒྱུ་རྐྱེན་མེད་པའི་ངོ་བོ་ནི།། རྒྱུ་འབྲས་འདས་པའི་ངོ་བོ་རྟོགས།། ལྟོས་པ་མེད་པའི་ངོ་བོ
2b4 ནི།། འཛིན་པའི་རྒྱུ་འབྲས་གང་ཡང་མེད།། རྩོལ་བྲལ་ཐེག་པའི་ངོ་བོ་འདི།། མཐའ་ཡས་སེམས་ཅན་ཐམས་ཅད་ལ།། དབྱེར་མེད་ཚུལ་གྱིས་གནས་མེད་ཀྱང་།། གཟུགས་འཛིན་བློ་ཡི་དྲི་མས་བཅིངས།། འཛིན་པའི
2b5 རྟོག་པས་རང་རྒྱུད་མཐོང་།། བསམ་བྲལ་སྣ་ཚོགས་ཞེན་པས་སླད།། རྣམ་བྲལ་ཤེས་པ་རང་གནས་པ།། ཞེས་པ་མེད་པར་མཐོང་བར་གྱིས།། བརྗོད་པའི་མཉམ་པ་ཉིད་དང་མཚུངས།། མ་རྟོགས་པ་ཡི་ཚིག་སྒོ
2b6 ནས།། གང་མོས་མཐུན་པའི་སྒོ་ནས་ནི།། བློ་དང་མཐུན་པ་སྟོན་པར་གྲགས།། དྲང་དོན་བློ་ཡི་སྒོ་ནས་ནི།། རང་རང་ཉམས་དང་མཐུན་པར་གྲགས།། རང་བྱུང་རྣམ་དག་ངོ་བོ་ནི།། མཚོན་བྱ་མཚོན་བྱེད་གང་ཡང
iiif viewer powered by OpenSeadragon
