| e-texts navigator |
| Wylie |
29b1 དང་ཏིང་ངེ་འཛིན་གྱི་སྒོ་ནས་མཉན་བཤད་དོ།། དེ་ནས་རྡོ་རྗེས་སེམས་དཔས་རྡོ་རྗེ་དབྱིངས་ཀྱི་དཀྱིལ་འཁོར་དུ།། རྣམ་པར་སྣང་མཛད་ཀྱི་འཁོར་ས་བཅུའི་བྱང་ཆུབ་སེམས་དཔའ་རྣམས་ལ་བྱང་ཆུབ་མཆོག་ཏུ་སེམས
29b2 བསྐྱེད་ནས།། རིག་པའི་ཡེ་ཤེས་ཀྱིས་ཡར་བལྟས་པས།། ཆོས་ཀྱི་དབྱིངས་ཀྱི་ཕོ་བྲང་དུ་རིགས་ལྔ་བདེ་བར་གཤེགས་པའི་ཞལ་མཐོང་།། དེ་ནས་རིགས་ལྔའི་བདེ་བར་གཤེགས་པ་རྣམས་དང་སྙོམས་པར་ཞུགས
29b3 ནས།། འཆི་མེད་རྡོ་རྗེའི་ལུང་ནོད་དོ།། མཉམ་པའི་རྒྱལ་པོ་ཀུན་རིག་ཆོས་ཀྱི་རྗེ།། འོག་མིན་རྡོ་རྗེ་དབྱིངས་ཀྱི་དཀྱིལ་འཁོར་དུ།། རྡོ་རྗེ་སེམས་དཔས་རང་སེམས་རྟོགས་བྱའི་ཕྱིར།། བླ་མེད་ངོ་མཚར་ཆེ་བའི་སངས
29b4 རྒྱས་འདི།། རྨད་དང་རྩ་བ་གཅད་པས་སངས་རྒྱས་སེམས་ལས་བྱུང་།། སེམས་ཀྱི་དམ་པ་བདག་ལ་བསྟན་དུ་གསོལ།། ཞེས་ཞུས་སོ།། རང་བྱུང་དབྱིངས་ནས་རིག་པ་རང་ཤར་བས།། འགྲོ་བ་རྣམས་ལ་སེམས་དང
29b5 སེམས་སུ་སྣང་།། རིག་པའི་རྩལ་ཆེན་ཛྙཱ་ན་པཉྩ་ཀ་ར་ཨ།། གང་ཞིག་སེམས་ཀྱི་དམ་པ་རྟོགས་འདོད་པ།། སེམས་དང་ཡེ་ཤེས་ཆུ་དང་རྙོག་མ་བཞིན།། མ་སྐུལ་བཞག་ན་དྭངས་སྙིགས་འབྱེད་པ་བཞིན།། བདེ་བ
29b6 འདོད་ན་བསམ་གཏན་ཏིང་འཛིན་གཅེས།། སེམས་དང་ཡེ་ཤེས་ཆུ་དང་འོ་མ་བཞིན།། བརྟན་པར་མི་བཞག་པས་ཕྱེད་དང་མའི་ཆུ་བཞིན་དུ།། སེམས་ཡེ་ཤེས་ཡོད་ཀྱང་བག་ཆགས་ཉིད་ཀྱིས་བསླད།། འགྲོ་བ་རྣམས
iiif viewer powered by OpenSeadragon
