| e-texts navigator |
| Wylie |
29a1 རྗེས་སུ་ཡི་རང་ངོ་།། སྟོན་པ་རྡོ་རྗེ་སེམས་དཔའ་ལ། ཞུ་བ་པོ་མི་ཡི་བྱང་ཆུབ་སེམས་པས་ཞུས་པ།། རིན་པོ་ཆེ་འོད་འབར་བའི་རྒྱུ་ལས།། ལེའུ་སྟེ་བཅུ་གཉིས་པའོ།། རྫོགས་སོ།།
29a2 རྒྱ་གར་སྐད་དུ། བོད་སྐད་དུ།། མ་ནི་བི་མ་ལ་ཏནྟྲ་ནཱ་མ།། ནོར་བུ་དྲི་མ་མེད་པའི་རྒྱུད།། དཔལ་ཡེ་ཤེས་གསང་བ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། འོག་མིན་གྱི་གནས
29a3 ཆོས་ཀྱི་དབྱིངས་ཀྱིས་ཕོ་བྲང་ན།། གནས་ཕུན་སུམ་ཚོགས་པ་ཡེ་ཤེས་ཀྱི་གཞལ་མེད་ཁང་།། རྒྱ་ཡོངས་སུ་མ་ཆད་པ།། ཕྱི་ནང་མེད་པར་ཡེ་ཤེས་ཀྱིས་གང་བའི་གནས་ན།། སྟོན་པ་ཕུན་སུམ་ཚོགས
29a4 པ།། འཇམ་དཔལ་གསང་བ།། འཁོར་ཕུན་ཚོགས་པ་རིགས་ལྔའི་བདེ་བར་གཤེགས་པ།། མཛད་སྤྱོད་ཕུན་སུམ་ཚོགས་པ་བྱང་ཆུབ་སེམས་དཔའ་བཅུ་དྲུག། ཆོས་ཕུན་སུམ་ཚོགས་པ་གསང་བའི་རྒྱུ་ལྔའོ།། དེ་རྣམས
29a5 ཀྱི་སྙིང་པོ་བསྡུས་པ་བྱང་ཆུབ་ཀྱི་སེམས་ནོར་བུ་དྲི་མ་མེད་པའི་རྒྱུད་ཅེས་བྱ་བ།། སངས་རྒྱས་ཀྱི་དགོངས་པ་དང་གཉིས་སུ་མེད་པར་བཞུགས་སོ།། དེ་ནས་སྟོན་པ་འཇམ་དཔལ་གསང་བས།། རིག་ལྔའི་བདེ་བར
29a6 གཤེགས་པ་རྣམས་ལ་བཤད་ཀྱང་ཏིང་ངེ་འཛིན་གྱིས་བཤད།། མཉན་ཀྱང་ཏིང་ངེ་འཛིན་གྱིས་མཉན།། དེ་ནས་རྡོ་རྗེ་དབྱིངས་ཀྱི་དཀྱིལ་འཁོར་དུ།། བདེ་གཤེགས་རྣམས་ཀྱིས་རིགས་ཀྱིས་འདུལ་བའི་འཁོར་རྣམས
iiif viewer powered by OpenSeadragon
