| e-texts navigator |
| Wylie |
28a1 སྣང་ངན་སྣང་གཉིས་སུ་སྣང་།། སྣང་བ་མེད་པར་ངོ་སྤྲད་དོ།། ཤེས་རབ་སྣང་བ་གཉིས་ཡིན་ཏེ།། ཕྱི་སྤྲོད་སྣང་དང་ནང་སྤྱོད་སྣང་།། རིག་པའི་སྣང་བ་གཉིས་ཉིད་དེ།། བདག་རིག་སྣང་དང་གཞན་རིག
28a2 སྣང་།། ལྷ་སྒོམ་སྤྱོད་པ་འབྲས་བུ་ནི།། ཡེ་ཤེས་ཆེན་པོའི་སྣང་བའོ།། ཆོས་ཀྱི་སྐུ་དང་ལོངས་སྐུ་སྣང་།། ཡེ་ཤེས་རང་སྣང་ཡིན།། སྣང་བ་མེད་པར་ངོ་སྤྲད་དོ།། དང་པོ་སྲིད་པ་ལྷུན་གྲུབ་སྲིད།། སྟོང་ར་ཆེན་པོར་ངོ་སྤྲོད
28a3 དོ།། བར་དུ་སྲིད་པ་རང་རྩལ་སྲིད།། སྐྱེ་མེད་སྟོང་པར་ངོ་སྤྲད་དོ།། འགྲོ་དྲུག་སྲིད་པ་འགག་མེད་སྲིད།། རོལ་པ་ཆེན་པོར་ངོ་སྤྲད་དོ།། དྲང་དོན་ངེས་དོན་གཉིས་སུ་སྲིད།། ཐིག་ལེ་གཅིག་ཏུ་ངོ་སྤྲད་དོ།། འཁོར་བ
28a4 མྱང་འདས་གཉིས་སུ་སྲིད།། གཉིས་སྣ་མེད་པར་ངོ་སྤྲད་དོ།། ཐ་མ་འབྲས་བུ་འདོད་སྲིད།། ཟང་ཐལ་ཆེན་པོར་ངོ་སྤྲད་དོ།། ཆོས་ཀྱི་བདག་པོའི་སྣང་སྲིད་ཡིན།། ཅེས་གསུངས་སོ།། རིན་པོ་ཆེ་འོད་འབར་བའི་རྒྱུད
28a5 ལས།། སྣང་སྲིད་ངོ་སྤྱོད་ཀྱི་ལེའུ་སྟེ་དགུ་པའོ།། །། སེམས་ཉིད་བདག་པོས་བཀའ་སྩལ་པ།། ཉོན་ཅིག་སེམས་དག་སྐྱེས་བུ་ཁྱོད།། སེམས་ཀྱི་ངོ་བོ་མ་རིག་པ།། རྩལ་ནི་གཉིས་འཛིན་མི་འགག
28a6 མ།། ལས་ནི་འགའ་མི་འགའ་ལ་སྤྱོད། རིག་པའི་ངོ་བོ་ཟང་ཐལ་ལོ།། རྩལ་ནི་ཤེས་རབ་ཆེན་པོ་ཡིན།། ལས་ནི་གཉིས་སུ་མེད་པར་སྤྱོད།། འདུས་མ་བྱས་སུ་ངོ་སྤྲད་དོ།། རྒྱུས་མ་བསྐྱེད་པར་ངོ་སྤྲད་དོ།། སེམས་ཉིད
iiif viewer powered by OpenSeadragon
