| e-texts navigator |
| Wylie |
26b1 ཕེབས་མི་སྲིད།། རང་གི་མཚན་ཉིད་འདི་ལྟ་སྟེ།། སྙིང་པོ་ཉིད་དང་རང་བྱུང་ཡེ་ཤེས་དང་།། རིག་པའི་ཡེ་ཤེས་རང་གིས་རང་རིག་དང་།། རྣམ་མཁྱེན་ཐམས་ཅད་མཁྱེན་པའི་ཡེ་ཤེས་དང་།། དེས་ནི་ཐིག་ལེས་གཏན
26b2 ལ་དབབ།། གསང་བའི་ཡེ་ཤེས་དེ་ལས་གྲོལ།། ཟང་ཐལ་ཆེན་པོའི་ཡེ་ཤེས་སོ།། ཡེ་ཤེས་ཟང་ཐལ་ཉག་གཅིག་ལ།། དྲུག་ཏུ་འདོད་པས་དོན་མི་མཐོང་།། ཡེ་ཤེས་མིག་གཅིག་དྲི་མེད་དུ།། མགོན་པོ་ང་ཡིས་བཤད་པ
26b3 ཡིན།། ཅེས་གསུངས་སོ།། རིན་པོ་ཆེའི་འོད་འབར་བའི་རྒྱུ་ལས་ཡེ་ཤེས་ལ་བཟླས་པའི་ལེའུ་སྟེ་གསུམ་པའོ།། །། འགྲོ་བའི་མགོན་པོས་བཀའ་སྩལ་པ།། མི་ཡི་བོ་དྷི་ས་ཏྭ་ཉོན།། ཏིང་འཛིན་དྲུག་པའི་དོན་བསྟན
26b4 པ།། ཀུན་ཏུ་མི་འགག་སྣང་བ་ལ།། ངོ་སྤྱོད་ཆེན་པོའི་ཏིང་འཛིན་དང་།། སྒོམ་པ་ཡེངས་ས་མེད་པ་ཡིས།། ཁྱུང་ཆེན་རང་འབར་ཏིང་འཛིན་དང་།། ཤེས་རབ་ཐོབས་པ་མེད་པ་ཡི།། སེང་གེ་ལྟ་བུའི་ཏིང་འཛིན།
26b5 དང་།། ཆོས་སྐུ་ཞེ་ལ་འདོད་མེད་པའི།། རིན་ཆེན་རང་འབར་ཏིང་འཛིན་དང་།། ཡེ་ཤེས་ཟང་ཐལ་རང་གནས་པས།། ཡེ་ཤེས་རང་འབར་ཏིང་འཛིན་ནོ།། མགོན་པོ་ང་ཡི་ཏིང་འཛིན་ཡིན།། ཞེས་གསུངས་སོ།། རིན
26b6 པོ་ཆེ་འོད་འབར་བའི་རྒྱུད་ལས།། ཏིང་ངེ་འཛིན་རང་ལ་ངོ་སྤྱོད་པའི་ལེའུ་སྟེ་བཞི་པའོ།། །། ཅང་ཤེས་མགོན་པོས་བཀའ་སྩལ་པ།། མི་ཡི་སྒྱུ་མའི་སྤྲུལ་བ་ཉོན།། མེ་ལོང་དྲུག་གི་དོན་བསྟན་ནོ།། ཆོས་ཉིད་གསལ
iiif viewer powered by OpenSeadragon
