| e-texts navigator |
| Wylie |
26a1 རྒྱ་གར་སྐད་དུ།། མ་ཎི་རཏྣ་ས་དུ་མ་ལེ་ཏན་ཏྲ།། བོད་སྐད་དུ།། ནོར་བུ་རིན་པོ་ཆེ་འོད་འབར་བའི་རྒྱུད།། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སྟོན་པ་རྡོ་རྗེ་སེམས་དཔའ་ཡིས།། ཆོས་ཉིད
26a2 སྐྱེ་མེད་ཕོ་བྲང་དུ།། འཁོར་གྱི་རོ་ལངས་བདེ་བ་ལ།། དུས་མཉམ་ཐིག་ལེ་དབྱེར་མེད་དུ།། ཆོས་ཉིད་འོད་གསལ་བསྟན་པའོ།། ནོར་བུ་འོད་འབར་བའི་རྒྱུད་ལས།། ཕུན་སུམ་ཚོགས་པའི་ལེའུ་སྟེ་དང
26a3 པོའོ།། །། ཀྱེ་ཧོ་གསང་བའི་མངའ་བདག་ཁྱོད།། ཆོས་རྣམས་སྤྱི་དང་རང་གི་མཚན་ཉིད་དེ།། ཡེ་ཤེས་དབྱེ་བ་མཛད་དུ་གསོལ།། ཞེས་ཞུས་སོ།། གསང་བའི་མངའ་བདག་ཆེན་པོ་དེས།། ཚིག་བཤད་འདི
26a4 རྣམས་ཞལ་ནས་ཐོན།། ཀྱེ་ཧོ་ངས་གསུངས་པ་ལ་སེམས་དཔའ་ཉོན།། སྤྱི་ཡི་ཡེ་ཤེས་རང་གི་མཚན་ཉིད་དང་།། ཏིང་འཛིན་དྲུག་དང་མེ་ལོང་དྲུག། བར་དོ་དྲུག་དང་ངོ་སྤྱོད་དྲུག། སྣང་བ་དྲུག་དང་སྲིད་པ་དྲུག། སེམས
26a5 དང་ཡེ་ཤེས་དབྱེ་བ་དྲུག། ཡི་གེ་དྲུག་དང་སྒྲ་འགྱུར་དང་།། བརྡ་འགྱུར་དྲུག་དང་སྦྱར་ལ་བཤད།། ཅེས་གསུངས་སོ།། ཞུས་པ་དང་ལེན་གྱི་ལེའུ་སྟེ་གཉིས་པའོ།། །། རྡོ་རྗེ་སེམས་དཔའ་བཀའ་སྩལ་པ།། མི་ཡི
26a6 བྱང་ཆུབ་སེམས་དཔའ་ཉོན།། ཡེ་ཤེས་དབྱེ་བ་འདི་ལྟ་སྟེ།། ཆོས་དབྱིངས་མེ་ལོང་ཡེ་ཤེས་དང་།། མཉམ་ཉིད་ཀུན་རྟོག་ཡེ་ཤེས་དང་།། བྱ་བ་ནན་ཏན་ངོ་བོ་ཉིད་དང་དྲུག། དེ་ནི་སྤྱི་ཡི་བྱེ་བྲག་གོ། སྤྱི་ཡི་གཏན་ལ
iiif viewer powered by OpenSeadragon
