| e-texts navigator |
| Wylie |
25a1 གསལ།། ཐུགས་ལ་ཐིལ་ལེ་ཉག་གཅིག་གསལ།། ཐམས་ཅད་ང་ཡི་སྣང་བ་ཡིན།། ཐམས་ཅད་ང་ཡི་རོལ་པ་ཡིན།། ཐམས་ཅད་ང་ཡི་འདུག་ཚུགས་ཡིན།། ཐམས་ཅད་དབྱེད་མེད་ང་ཡི་སྐུ།། ཐམས
25a2 ཅད་འགག་མེད་ང་ཡི་གསུང་།། ཐམས་ཅད་ཟད་ཐལ་ང་ཡི་ཐུགས།། གཉིས་སྣང་མེད་པའི་ཤེས་རབ་འཆང་།། ཧ་ཧ་སརྦ་ཡོ་གི་ནི་ཨ་སིང་གུ་ཧྱ་ས་མ་ཡ་སྟྭཾ།། ཞེས་གསུངས་སོ།། ནོར་བུ་རིན་པོ་ཆེའི་རྒྱུད
25a3 ལས།། ཀུན་ཏུ་བཟང་པོའི་ངོ་སྤྲོད་ཀྱི་ལེའུ་སྟེ་དགུ་པའོ།། །། དེ་ནས་མིའི་བྱང་ཆུབ་སེམས་དཔའ་དགའ་རབ་རྡོ་རྗེས།། རང་གི་འདུག་ཚུགས་གསལ་བཏབ་པ།། ཨེ་མ་ཧོ་ཨེ་མ་ཧོ་འདུས་པའི་ཚོགས།། ཙིཏྟའི
25a4 དཀྱིལ་འཁོར་ཆེན་པོ་ན།། ཡེ་ཤེས་ཟང་ཐལ་ཆེན་པོ་གནས།། ལྷ་སྒོམ་སྤྱོད་པས་ཅི་བགྱིར་མཆིས།། ལྗགས་ལ་རིག་པའི་ཡེ་ཤེས་གནས།། ཡེ་ཤེས་ལྔ་ཡིས་ཅི་བགྱིར་མཆིས།། སྙན་ལ་རང་གྲོལ་ཡེ་ཤེས
25a5 གནས།། ཐོས་བསམ་སྒོམ་གསུམ་ཅི་བགྱིར་མཆིས།། མིག་ལ་ལྷུན་གྲུབ་ཡེ་ཤེས་གནས།། ཡེ་ཤེས་ལྔ་ཡིས་ཅི་བགྱིར་མཆིས།། སྣ་ལ་ཐིག་ལེ་ཟང་ཐལ་གནས།། སྐུ་གསུམ་སྐུ་ལྔར་ཅི་དགྱིར་མཆིས།། ལུས་ལ་ཐམས
25a6 ཅད་མཁྱེན་པ་གནས།། ཐ་སྙད་ཚིག་གིས་ཅི་བགྱིར་མཆིས།། ཡིད་མ་རང་བྱུང་ཡེ་ཤེས་གནས།། བླ་མའི་རྒྱུད་པས་ཅི་བགྱིར་མཆིས།། ཐམས་ཅད་ང་ལ་བསྟེན་པ་ཡིན།། ང་མེད་པ་ཡི་སྔོན་རོལ་ན།། སྒྲ་འགྱུར་བྱ་བའི
iiif viewer powered by OpenSeadragon
