| e-texts navigator |
| Wylie |
24b1 རང་གྲོལ་ལ།། ཤེས་རབ་ཟང་ཐལ་རང་གསལ་བ།། དང་པོ་འཇུག་པའི་སྒོ་མེད་པས།། མཚན་མའི་ལམ་དུ་དེ་མི་གོལ།། བར་དུ་ལྔ་གསུམ་མི་འདོད་པས།། འབྲས་བུ་རེ་དོགས་ང་མི་གོལ་ཐིག་ལེ་ཉག་གཅིག་རིག་པ
24b2 ལ།། ས་དང་ལམ་ལ་བགྲོད་མེད་པས།། ཐེག་པ་རིམ་དགུར་ང་མི་གོལ།། ཐ་མ་ཉག་གཅིག་རང་ཡིན་པས།། སྐྱོན་ཡོན་གཉིས་ལ་རྦད་ཁམ་ཐོང་།། ཞེས་གསུངས་སོ།། ནོར་བུ་རིན་པོ་ཆེའི་རྒྱུ་ལས།། རང་རིག་པའི
24b3 སྣང་བ་དང་ཐིག་ལེ་ཉག་གཅིག་ལ་ངོ་སྤྲད་པའི་ལེའུ་སྟེ་བདུན་པའོ།། །། རྡོ་རྗེ་སེམས་དཔས་བཀའ་སྩལ་པ།། བྱང་ཆུབ་སེམས་དཔའ་ཉོན་ཅིག། རང་གི་འདུག་ཚུལ་བསྟན་པ་ནི།། ང་ནི་རྡོ་རྗེ་སེམས་དཔའ་སྟེ།། མེ
24b4 ཏོག་པདྨའི་འདབ་མ་ལས།། ང་ཉིད་རྫུས་ཏེ་ལོངས་སྐུར་སྐྱེས།། ཡར་ལ་ཆོས་སྐུའི་ཞིང་ཁམས་གསལ།། མར་ལ་ཁམས་གསུམ་མ་ལུས་གསལ།། ཐུགས་ཁར་བུདྡྷ་ཞི་གཉིས་གསལ།། ཐམས་ཅད་ང་ལས་བྱུང
24b5 ཡིན།། ཐམས་ཅད་ང་ལས་སྐྱེས་པ་ཡིན།། ང་མེད་པ་ཡི་སྔོན་རོལ་ན།། ཆོས་སྐུ་བྱ་བའི་མིང་ཡང་མེད།། ཅེས་གསུངས་སོ།། ནོར་བུ་རིན་པོ་ཆེའི་རྒྱུད་ལས་རྡོ་རྗེ་སེམས་དཔའ་ངོ་སྤྲད་པའི་ལེའུ་སྟེ་བརྒྱད་པའོ།། ། དེ
24b6 ནས་ཀུན་ཏུ་བཟང་པོའི་རང་གི་འདུག་ཚུགས་བསྟན་པ་ནི།། ཧ་ཧར་ང་ནི་ཀུན་ཏུ་བཟང་པོ་ཡིན།། སྤྱན་ལ་ཡེ་ཤེས་ཟང་ཐལ་གསལ།། སྙན་ན་འགྲོ་དྲུག་འཁོར་ལོ་གསལ།། ལྗགས་ལ་ལོངས་སྐུའི་ཞིང་ཁམས
iiif viewer powered by OpenSeadragon
