| e-texts navigator |
| Wylie |
23b1 ནི།། ཀུན་ཏུ་བཟང་པའི་དགོངས་པར་ངོ་སྤྲད་དོ།། དེ་རྣམས་ནི་ནང་ལྟར་བཤད་པའོ།། རང་གིས་རང་ལ་མ་ལྟས་ཏེ།། རག་གྲོལ་བའི་རིན་པོ་ཆེ་རིག་པའི་ཡེ་ཤེས་སུ་ངོ་སྤྲད་དོ།། རང་གྲོལ་རང་བྱུང་ལྷུན་གྲུབ་ཀྱི་ནོར
23b2 བུ་ནི།། རང་བྱུང་ཡེ་ཤེས་སུ་ངོ་སྤྲད་དོ།། གང་ལ་ཡང་མི་ལྟོས་ཏེ་ཡིད་བཞིན་དུ་གྲུབ་པའི་ནོར་བུ་ནི།། རང་རིག་པའི་ཡེ་ཤེས་སུ་ངོ་སྤྲད་དོ།། ཡོངས་སུ་གྲུབ་པའི་ནོར་བུ་རིན་པོ་ཆེ་ནི།། རྣམ་པ་ཐམས་ཅད་མཁྱེན་པའི
23b3 ཡེ་ཤེས་སུ་ངོ་སྤྲད་དོ།། ནོར་བུ་རིན་པོ་ཆེ་སྣང་བྱེད་ནི།། ཐམས་ཅད་མཁྱེན་པའི་ཡེ་ཤེས་ཟང་ཐལ་དུ་ངོ་སྤྲད་དོ།། ཞེས་གསུངས་སོ།། རྡོ་རྗེ་སེམས་དཔས་མི་ཡི་བྱང་ཆུབ་སེམས་དཔའ་ལ།། མན་ཤེལ་ལ་ངོ་སྤྲད་རྣམ
23b4 པ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་རྡོ་རྗེ་སེམས་དཔས་བཀའ་སྩལ་པ།། ཐིག་ལེ་ཉག་གཅིག་བསྟན་པ་ནི།། ངོ་བོ་རྩལ་དང་ལས་དང་གསུམ།། ངོ་བོ་ཐབས་ཅད་མཁྱེན་པའི་ཡེ་ཤེས་སོ།། རྩ་ནི་ཡེ་ཤེས
23b5 ཆེན་པོ་ཡིན།། ལས་ནི་རང་གྲོལ་ཉག་གཅིག་གོ། སྣང་བ་ཆེན་པོ་ཐིག་ལེའི་རྩལ།། འགྱུར་བ་མེད་པའི་ཤེས་རབ་དང་།། འགག་པ་མེད་པའི་ཤེས་རབ་དང་།། བདག་འཛིན་མེད་པའི་ཤེས་རབ་བོ།། ཤེས་རབ་གསུམ
23b6 ལ་ངོ་སྤྲད་པས།། ད་ལྟ་ཉིད་དུ་ཟད་ཐལ་ཡིན།། ཞེས་གསུང་སོ།། ནོར་བུ་རིན་པོ་ཆེའི་རྒྱུད་ལས།། ཐིག་ལེ་དང་སྣང་བ་ངོ་སྤྲད་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་སེམས་དཔའ་བཀའ་སྩལ་པ།། རང་རིག་ངོ་བོ
iiif viewer powered by OpenSeadragon
