| e-texts navigator |
| Wylie |
22b1 སོ།། །། @#།། རྒྱ་གར་སྐད་དུ།། མ་ཎི་རནྟ་ཏན་ཏྲ།། བོད་སྐད་དུ།། ནོར་བུ་རིན་པོ་ཆེའི་རྒྱུད།། དཔལ་ཡིད་བཞིན་ལྷུན་གྲུབ་ཀྱི་རྒྱལ་པོ་ལ་ཕྱག་འཚལ་ལོ།། སྟོན་པ་རྡོ་རྗེ་སེམས་དཔའ
22b2 ཡིས།། གནས་ནི་ཆོས་དབྱིངས་ཕོ་བྲང་དུ།། འཁོར་གྱི་རོ་ལངས་བདེ་བ་ལ།། དབྱེར་མེད་དུས་མཉམ་རང་གསལ་དུས།། རིན་ཆེན་འབར་བའི་བསྟན་པ་ཤར།། ཅེས་གསུངས་སོ།། ནོར་བུ་རིན་པོ་ཆེའི་རྒྱུད
22b3 ལས།། ཕུན་སུ་འཚོགས་པའི་ངོ་སྤྲད་པའི་ལེའུ་སྟེ་དང་པོའོ།། །། འཁོར་གྱི་རོ་ལངས་ཆེན་པོ་ཡིས།། སྟོན་པ་རྡོ་རྗེ་སེམས་དཔའ་ལ།། རིན་པོ་ཆེ་ཡི་དབྱེ་བ་དང་།། ཐིག་ལེ་སྣང་བར་དབྱེ་བ་དང་།། རིག་པ་སྣང
22b4 བར་དབྱེ་བ་དང་།། རང་གི་འདུག་ཚུགས་བསྟན་དུ་གསོལ།། ཞེས་བཞུས་སོ།། སྟོན་པ་རྡོ་རྗེ་སེམས་དཔའ་ཡིས།། ཞུས་པའི་དོན་འདི་ཤིན་ཏུ་ལེགས།། ངས་གསུངས་པ་ལ་མ་བཀག་པར།། ཁྱོད་ནི་ཤེས་རབ་རྩེ
22b5 གཅིག་ཉོན།། ཞེས་གསུངས་སོ།། ཞུས་པ་དང་ལན་གྱི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔས་བཀའ་སྩལ་པ།། ནོར་བུ་རིན་པོ་ཆེ་དང་མན་ཤེལ་རིན་པོ་ཆེ།། ནོར་བུ་རིན་པོ་ཆེ་ནི་ཀླུ་ཆེན་པོ་བརྒྱད་ལ
22b6 ཡོད།། ནོར་བུ་རིན་པོ་ཆེ་བསམ་འཕེལ་ནི་ལོངས་སྐུ་ལ་ཡོད།། ཡིད་བཞིན་གྱི་ནོར་བུ་རིན་པོ་ཆེ་ནི་སྦྲུལ་སྐུ་ལ་ཡོད།། ནོར་བུ་རིན་པོ་ཆེ་བསམ་གྲུབ་ནི་ཆོས་སྐུ་ལ་ཡོད།། ནོར་བུ་རིན་པོ་ཆེ་བསམ་འཕེལ་ནི་སྤྱིས་ན
iiif viewer powered by OpenSeadragon
