| e-texts navigator |
| Wylie |
22a1 པའི་ལེའུ་སྟེ་དགུ་པའོ།། །། དེ་ནས་མཁའ་འགྲོ་མ་ཞེ་སྡང་རྡོ་རྗེ་མ་དང་།། ང་རྒྱལ་རྡོ་རྗེ་མ་དང་།། འདོད་ཆགས་རྡོ་རྗེ་མ་དང་།། ཕྲག་དོག་རྡོ་རྗེ་མ་དང་།། གཏི་མུག་རྡོ་རྗེ་མ་དང་ལྔ་དགྱེས་ནས་འདི
22a2 སྐད་ཅེས་བརྗོད་དོ།། ཨེ་མ་ཧོ་བདེ་གཤེགས་བཅོམ་ལྡན་འདས།། སྙིང་པོ་དོན་གྱི་རྒྱུད་གསུངས།། སྣོད་ཀྱི་འཇིག་རྟེན་དབྱིངས་སུ་གྲོལ།། སེམས་ཀྱི་རྟོགས་པ་ཆོས་སྐུར་གྲོལ།། དུག་གསུམ་སྐུ་གསུམ་ངང་དུ
22a3 གྲོལ།། དུག་ལྔའི་ངོ་བོ་ཡེ་ཤེས་ལྔ་རུ་གྲོལ།། བདག་ཅག་མཁའ་འགྲོ་རྣམས་ཀྱང་།། མི་གནས་པའི་ཡེ་ཤེས་ཀྱི་ངང་དུ་མཆིའོ།། ཨེ་མ་ཧོ་གསང་བ་རྨད་དུ་བྱུང་བའི་ཆོས།། མ་སྤངས་མ་སྦྱངས་མ་བསྒྱུར་བར།། བདེ
22a4 ཆེན་ངང་ལ་གནས་པ་ངོ་མཚར་ཆེ།། ཐབས་མཁས་ཐུགས་རྗེའི་བདག་པོ་ཁྱོད་ལ་འདུད།། ཅེས་བརྗོད་ནས།། མཁའ་འགྲོ་མ་མི་རྟོགས་པའི་ངང་དུ་གཤེགས་སོ།། སྟོན་པ་རྡོ་རྗེ་སེམས་དཔས་བསྟན།། ཞུ་བ་པོ་ཕྱག་ན
22a5 རྡོ་རྗེ་ཞུས།། ཉན་པ་པོ་མཁའ་འགྲོ་མ་ལྔས་མཉན།། སྦས་པ་པོ་མེ་རི་འབར་བའི་ཁ་ལ་སྦས་སོ།། དེ་བཞིན་གཤེགས་པ་གསེར་འོད་དམ་པས།། རོ་ལངས་བདེ་བ་ལ་ལུང་བསྟན་ཏེ་མཇུག་བསྡུས་སོ།། སྐུ་གསུམ་ཡེ
22a6 ཤེས་ལྔའི་རྒྱུད།། འཇམ་དཔལ་ཡེ་ཤེས་རྒྱན་གྱི་དགོངས་པ་ལས།། རྗེས་སུ་ཡི་རང་བའི་ལེའུ་སྟེ་བཅུ་པའོ།། །། སྐུ་གསུལ་ཡེ་ཤེས་ལྔ་ལྡན་གྱི་རྒྱུད་འཇམ་དཔལ་ཡེ་ཤེས་རྒྱན་གྱི་དགོངས་པ་ཞེས་བྱ་བ་རྫོགས
iiif viewer powered by OpenSeadragon
