| e-texts navigator |
| Wylie |
21b1 པ།། མ་རྟོགས་འཁྲུལ་པའི་སྣང་བ་ཡིན།། རིགས་མ་འབྱུང་བ་ལྔ་ཡི་ངོ་བོས་སྟོང་།། དྲངས་མ་ལྔ་པོ་འོད་གསལ་པ།། ཆོས་ཉིད་སྣང་བ་དེ་ལས་མེད།། རང་ལས་སྣང་ཞིང་རང་བཞིན་མེད།། རང་སྣང་རྣམ་པར་དག་པ
21b2 ཡིན།། ཉོན་མོངས་ལས་གྲུབ་གདོས་པ་ཅན།། མ་རྟོགས་བག་ཆགས་སྦུབས་སུ་བཤད།། དེ་ཉིད་སྟོང་ཞིང་ཡེ་ཤེས་གསལ།། བཞི་བཅུ་རྩ་གཉིས་ལྷུན་གྱིས་གྲུབ།། བུམ་པ་ནང་གི་མར་མེ་བཞིན།། འོད་ཀྱིས་སྦུབས་སུ
21b3 ང་ཡིས་བཤད།། བྱུང་ཡང་རིག་པ་རང་ལས་བྱུང་།། ཐིམ་ཡང་རིག་པའི་ངང་དུ་ཐིམ།། གནས་ཀྱང་རིག་པའི་ངང་དུ་གནས།། ཆོས་སྐུ་ཕྱིན་ནང་མདུན་རྒྱབ་མེད།། རིན་ཆེན་སྦུབས་སུ་ང་ཡིས་བཤད།། སོ་སོར་རྟོགས
21b4 པའི་ཤེས་རབ་ཀྱིས།། གཅོད་པས་ཤེས་རབ་སྤྱན་ཞེས་བྱ།། ཕྱི་ནང་ཆོས་ཀྱི་དོན་རྟོགས་པ།། ཆོས་ཀྱི་སྤྱན་ན་སོ་སོར་གསལ།། དེ་དག་སྟོང་ཞིང་ཡེ་ཤེས་གསལ།། འགྱུར་བ་མེད་པའི་ངང་གནས།། ཡེ་ཤེས་སྤྱན་དུ་ང
21b5 ཡིས་བཤད།། སེམས་ཀྱི་རྟོགས་པ་ཆོད་པ་ནི།། བློ་ཡིས་མཐའ་ལས་གྲོལ་བ་ཡིས།། འཁྲུལ་པའི་སྣང་བ་ངོ་བོས་སྟོང་།། མ་གྲུབ་མི་གནས་དག་པས་ན།། འཁོར་བའི་མཐའ་ལས་གྲོལ་བ་ཡིན།། གཟུང་འཛིན་མི
21b6 གནས་གཉིས་མེད་མྱ་ངན་འདས།། ཆོས་ཀྱི་མཐའ་ལས་གྲོལ་བ་ཡིན།། ཞེས་སྐུ་གསུམ་ཡེ་ཤེས་ལྔའི་རྒྱུད།། འཇམ་དཔལ་ཡེ་ཤེས་རྒྱན་གྱི་དགོངས་པ་ལས།། ཡུལ་སྦུབས་གཟིགས་ཅན་གྲོལ་བ་བཞིན་ཉིད་དུ་བསྟན
iiif viewer powered by OpenSeadragon
