| e-texts navigator |
| Wylie |
20b1 ནས།། ལོངས་སྐུའི་ཞིང་དུ་ཇི་ལྟར་གྲོལ། བདག་རྣམས་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་གསུང་པས་སྲིད་པའི་སྒོམ་པ་ལས་རྒལ་བ།། སྐད་ཅིག་ཐམས་ཅད་བྱེ་བྲག་ཕྱེད།། གྲོལ་བ་ཐར་པ་རྣམ་གྲོལ
20b2 ལུས།། འཇུག་དང་སྣང་དང་ཤེས་རབ་གྲོལ།། དོན་གྱི་ངོ་ལ་གནས་པ་དང་།། འགག་དང་སྐྱེ་དང་གནས་དང་ཤེས།། ཐུགས་རྗེ་འབྱུང་དང་རང་སར་གཤེགས།། ཡུལ་གྱི་མཚན་མ་རྣམ་ཤེས་ཉིད་ལས་གྲོལ།། ཤེས་པ
20b3 ལྔ་ནི་འོད་ཟེར་ལྔ་ལ་འདུ།། འོད་ཟེར་ལྔ་པོ་རིག་ཀྱི་སྐུ་ལ་འདུ།། སྐུ་ལྔ་ཡེ་ཤེས་ལྔ་ཡི་ངང་དུ་གྲོལ།། ཡེ་ཤེས་ལྔ་ཉིད་མཚོན་གྱི་དྲུག་བུ་བཞིན།། བཞི་པོ་རིམ་བཞི་གཅིག་གིས་སྐྱོད་པ་ཡིས།། གནས་དང་ལམ་དུ་བྱུང་སྟེ།
20b4 སྒོ་རུ་འཐོན།། དེ་ཡི་སྣང་བ་རིམ་མིན་ཅིག་ཅར་འཆར།། སྐྱེ་བ་རིམ་སྐྱེ་ཤེས་པ་ཐད་ཀར་ཆོད།། ལོངས་སྐུ་འོད་གསལ་ཐུགས་རྗེ་སྦྲུལ་སྐུ་འབྱུང་།། སྐུ་ཡི་འོད་དང་གསུང་གི་ཟེར།། རྣམ་གྲོལ་ཞི་བ་ཞི་བ་ཉིད།། ཅེས་སྐུ
20b5 གསུམ་ཡེ་ཤེས་ལྔའི་རྒྱུད།། འཇམ་དཔལ་ཡེ་ཤེས་རྒྱན་གྱི་དགོངས་པ་ལས།། གྲོལ་ཚུལ་བསྟན་པའི་ལེའུ་སྟེ་བདུན་པའོ།། །། དེ་ནས་ཡང་ཞུས་པ།། ཀྱེ་ཀྱེ་བཅོམ་ལྡན་འདས་མཐའ་ལས་འདས།། ལོངས་སྐུའི་ཞིང
20b6 ནས་ཆོས་སྐུར་ཇི་ལྟར་གྲོལ།། བདག་ཅག་རྣམས་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ནམ་མཁའ་ལས་བྱུང་རང་བྱུང་བ།། ཤེས་རབ་ཡེ་ཤེས་མི་བོ་ཆེ།། གཟི་བརྗིད་ཕུང་པོ་ལྟ་ན
iiif viewer powered by OpenSeadragon
