| e-texts navigator |
| Wylie |
19b1 དུ་གསོལ།། ཅེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ།། ཡེ་ཡིས་ཤེས་པ་གཅིག་ཡིན་ཀྱང་།། མཚན་ཉིད་རྣམ་པ་ལྔ་དང་ལྡན།། ང་ལ་རང་བཞིན་མེད་པས་ན།། ཆོས་དབྱིངས་ཡེ་ཤེས་ལྷུན་གྱིས་གྲུབ།།
19b2 ལ་ཡོན་ཏན་མི་འགག་པས།། མེ་ལོང་ཡེ་ཤེས་ལྷུན་གྱིས་གྲུབ།། ང་ལ་སྐྱེ་འགག་མེད་པས་ན། མཉམ་ཉིད་ཡེ་ཤེས་ལྷུན་གྱིས་གྲུབ།། ང་ཡི་ཤེས་རབ་སྤྱོད་པས་ན།། སོ་སོར་རྟོགས་པའི་ཡེ་ཤེས་ཡིན།། ང་ལ་ཐོག་པ
19b3 མེད་པས་ན།། བྱ་བ་གྲུབ་པའི་ཡེ་ཤེས་ཡིན།། སྟོང་པ་ཡེ་ཤེས་རྩལ་སྣང་བ།། མཚན་ཉིད་འཛིན་པའི་ཡེ་ཤེས་ལྔ།། རིག་པའི་ཀློང་ནས་འོད་གསལ་པ།། དཀར་དང་དམར་དང་སེར་དང་ལྡང་།། མཐིང་ཁ་རྣམ་པར་ཡེ
19b4 ནས་གྲུབ།། སྣང་ལ་དངོས་མེད་མེ་ལོང་བཟུགས་བརྙན་འདྲ།། ནམ་མཁའ་མེ་ལོང་ཆུ་བོ་དང་།། སྤུ་གྲི་སོ་དང་རླུང་བཞིན་ནོ།། སརྦ་ཛྙཱ་པཉྩ་ཀ་ལ་དྷ་ཏུ་ཨ།། ཞེས་སྐུ་གསུམ་ཡེ་ཤེས་ལྔའི་རྒྱུད།། འཇམ་དཔལ་ཡེ་ཤེས
19b5 རྒྱན་གྱི་དགོངས་པ་ལས།། ཡེ་ཤེས་ལྔའི་འདུག་ཚུལ་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་གསང་བའི་བདག་པོས་མཁྱེན་བཞིན་དུ་ཞུས་པ།། ཀྱེ་བཅོམ་ལྡན་འདས་ཀུན་ཏུ་བཟང་།། སྐུ་གསུམ་ཡེ་ཤེས་ལྔ
19b6 ཡི་བདག་པོ་དེ།། བག་ཆགས་སྦུབས་ཇི་ཇི་ལྟར་གནས།། བདག་ཅག་རྣམས་ལ་ལེགས་པར་གསུངས།། ཞེས་ཞུས་སོ།། དེ་ནས་བཅོམ་ལྡན་བདས་ཀྱིས་བཀའ་སྩལ་པ།། གསང་བའི་བདག་པོས་ཞུས་པ
iiif viewer powered by OpenSeadragon
