| e-texts navigator |
| Wylie |
19a1 གསལ།། དེ་ཡི་སྣང་བ#སྣོད་དུ་གྲུབ།། སྙིགས་མའི་འབྱུང་བ་ཞེས་སུ་གྲགས།། མཁའ་ལ་རླུང་བརྟེན་དེ་ལ་ཆུ་ཡི་ཕུང་པོའི་བརྟེན།། དེ་ལས་ས་ཆེན་པོ་འདི་བརྟེན་སྲིད་པའི་སྒོ་ང་གྲུབ།། རྐྱེན་རྣམས
19a2 ཚོགས་ནས་ལས་ཀྱི་འཁྲུལ་འཁོར་རབ་ཏུ་འབྱུང་།། སྣ་ཚོགས་གཟུགས་ཅན་ཡིད་ལས་སྐྱེས།། སྦྲུལ་སྐུའི་ཞིང་ཁམས་སོ་སོར་གསལ།། མ་རིགས་འཁྲུལ་འཁོར་འདི་ལ་ཟད་ཅིང་འབྲི་བ་མེད།། སངས་རྒྱས་འགྲོ་བའི
19a3 ཚུལ་འཛིན་པ།། དཔལ་ལྡན་སངས་རྒྱས་པདྨ་སྐྱེས།། སྤྲུལ་པའི་འཁོར་ལོ་སྣ་ཚོགས་འཆད།། བསོད་ནམས་ཚོགས་དང་ཡེ་ཤེས་ལྔ་ལྡན་དྲུག། འདུལ་བའི་ཕྱག་མཚན་སོ་སོར་ཐ་དད་སྣང་།། ཀུན་ཏུ་བཟང་པོ་བློ་གྲོས
19a4 བཟང་།། དངོས་པོ་ཀུན་གྱི་རང་བཞིན་འཛིན།། རྣམ་གྲོལ་གསུམ་ལ་མཁས་པའོ།། སྐྱེ་མེད་ཆོས་ཏེ་སྣ་ཚོགས་སྟོན།། མགོན་པོ་སེམས་ཅན་ཀུན་གྱི་མཆོག། སེམས་ཅན་ཐམས་ཅད་རབ་སྒྲོལ་བྱེད།། རྒྱ་མཚོར་ཆུ་བྲན
19a5 འདུ་བ་བཞིན།། ཐམས་ཅད་རང་སར་དབྱེར་མེད་ཐིམ།། ཨ་ཧྲིཾ་མ་ཡང་དྷ་དུ་མ་ལ་ཨ་སེང་།། ཞེས་སྐུ་གསུམ་ཡེ་ཤེས་སྔའི་རྒྱུ་འཇམ་དཔལ་ཡེ་ཤེས་རྒྱན་གྱི་དགོངས་པ་ལས།། སྦྲུལ་སྐུའི་སྣང་བ་ཤར་ཚུལ་བསྟན་པའི
19a6 ལེའུ་སྟེ་བཞི་པའོ།། །། དེ་ནས་ཡང་གསང་བའི་བདག་པོས་མཁྱེན་བཞིན་དུ་ཞུས་པ།། ཀྱེ་བཅོམ་ལྡན་འདས་ཐུགས་རྗེ་དང་ཐབས་སུ་ལྡན་པ།། སྐུ་གསུམ་སྣང་བ་བཤད་པ་ལེགས།། ཡེ་ཤེས་ལྔ་རྣམས་བཤད
iiif viewer powered by OpenSeadragon
