| e-texts navigator |
| Wylie |
18b1 ཀྱིས་བཀའ་སྩལ་པ།། ཆོས་སྐུ་རྣམས་དག་དབྱེར་མེད་ཀྱང་།། ཡེ་ཤེས་སྐུ་སྟེ་རང་བྱུང་བ།། སངས་རྒྱས་སྐུ་ལྔའི་བདག་ཉིད་ཅན།། མཚན་ཉིད་སོ་སོའི་ཚུལ་འཛིན་པ།། ཤེས་རབ་སྟོབས་བཅུ་ཡེ་ཤེས་སྐུ།། བཞི་བཅུ་རྩ
18b2 གཉིས་མཚན་འཆང་བ།། སྐུ་གཅིག་ཀུན་ཏུ་ཁྱབ་པའི་སྐུ།། འབྱུང་བའི་ཐིག་ལེ་འོད་དུ་གསལ།། ཁ་དོག་ལྔ་ཡི་བདག་ཉིད་ཅན།། རིགས་ལྔའི་སངས་རྒྱས་ཡུམ་དང་བཅས།། མཚན་ཉིད་འཛིན་པའི་ཚོམ་བུ་ལྔ།། ཆོས
18b3 ཉིད་མཁའ་ལ་འོད་གསལ་བ།། གསལ་འཚེར་ལྷུན་སྡུག་གཟི་བརྗིད་འབར།། གསལ་དང་དྲོ་དང་བསིལ་བ་དང་།། ཡང་དང་ཁྱབ་པའི་བདག་ཉིད་ཅན།། རྣམ་རྟོག་མི་མངའ་ཅིར་ཡང་ས་ལེ་མཁྱེན།། མངོན་ཤེས་དྲུག
18b4 ལྡན་ཆོས་ཀྱི་སྤྱན།། ཡི་གེ་དྲུག་པ་རྡོ་རྗེའི་སྒྲ།། ས་ཡི་སྙིང་པོ་འགྲོ་བ་འཛིན།། མཁའ་ལ་ཉི་ཤར་མུན་པ་སེལ།། བྱ་བཙལ་མེད་པའི་ངང་དུ་སྐྱེལ།། སརྦ་ཏ་ཐཱ་ག་ཏ་ཀུ་ལ་པཉྩ་མཎྜལ་ལ་དྷཱ་ཏུ།། ཞེས་སྐུ་གསུམ་ཡེ་ཤེས
18b5 ལྔའི་རྒྱུད།། འཇམ་དཔལ་ཡེ་ཤེས་རྒྱན་གྱི་དགོངས་པ་ལས།། ལོངས་སྐུའི་གྲུབ་ཚུལ་བསྟན་པའི་ལེའུ་སྟེ་གསུམ་པའོ།། དེ་ནས་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་ཐུགས་རྗེ་ཅན།། སྦྲུལ་སྐུ་སྣང་བ་ཇི
18b6 ལྟར་གྲུབ།། སྤྲུལ་པའི་སྐུ་ཉིད་ཇི་ལྟར་ཤར།། བདག་ཅག་རྣམས་ལ་བཤད་དུ་གསོལ།། ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ།། ཡེ་ཤེས་ལྔ་ཡི་མཚན་ཉིད་ལས།། འབྱུང་བའི་དྭངས་མ་འོད་དུ
iiif viewer powered by OpenSeadragon
