| e-texts navigator |
| Wylie |
17b1 ཤེས་འཁོར་ལོ་གསང་བ་སྙིང་པོ་དོན་གྱི་རྒྱུ་ལས།། རྒྱུད་ཀྱི་གཏད་རྒྱ་བསྟན་པའི་ལེའུ་སྟེ་བཅུ་བཞི་པའོ།། ། ཡེ་ཤེས་འཁོར་ལོ་གསང་བའི་སྙིང་པོ་དོན་གྱི་རྒྱུད་ཅེས་བྱ་བ།། ལ་ཟློ་བ་ཆེན་པོ་མན་ངག་གི་རྒྱབ་རྟན
17b2 རྫོགས་སོ།། སེམས་ཕྱོགས་ཀྱི་སྟན་བརྒྱུད་ཨོཾ་ཐི།། ། རྒྱ་གར་སྐད་དུ།། ཏྲི་ཀཱ་ཡ་བཉྩ་ཛྙཱ་ན་ཏན་ཏྲ་མཉྫུ་ཤྲཱི་ཛྙཱ་ན་ཨ་ལཾ་ས་མ་ཏི་ནཱ་མ།། @#།། བོད་སྐད་དུ།། སྐུ་གསུམ་ཡེ་ཤེས་ལྔ་ལྡན་གྱི་རྒྱུ་འཇམ་དཔལ་ཡེ
17b3 ཤེས་རྒྱན་གྱི་དགོངས་པ་ཞེས་བྱ་བ།། འཇམ་དཔལ་ཡེ་ཤེས་ཀྱི་སྐུ་བདེ་བ་ཆེན་པོ་ལྷུན་གྱིས་གྲུབ་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་ཐུགས་རྗེ་ཆེན་པོ་དང་ལྡན
17b4 པ་དེ།། ལྕང་ལོ་ཅན་གྱི་གནས་རི་བོ་ཆེན་པོ་དེ་ན།། རྡོ་རྗེ་རྣམ་འབྱོར་མ་ལྔ་དང་ཐམས་ཅིག་ཏུ་བཞུགས་སོ།། དེའི་ཚེ་སེམས་དཔའ་ཆེན་པོ་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན
17b5 འདས་ཐུགས་རྗེ་དང་ཐབས་སུ་ལྡན་པ།། བདག་ཅག་རྡོ་རྗེ་མཁའ་འགྲོ་མ་དང་བཅས་པ་ལ།། སྐུ་གསུམ་ཡེ་ཤེས་ལྔའི་དོན་བཤད་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ།། གསང
17b6 བའི་བདག་པོ་ཉོན་ཅིག། སྐུ་གསུམ་ཡེ་ཤེས་ལྔའི་དགོངས་པ་དོན་ཕྱིན་ཅི་མ་ལོག་པ་འདི།། མཁའ་འགྲོ་མ་ལྔ་ལ་བཤད་པར་བྱའོ།། སྐུ་གསུམ་ཡེ་ཤེས་ལྔའི་རྒྱུད་འཇམ་དཔལ་ཡེ་ཤེས་རྒྱན་གྱི་དགོངས་པ་ལས།། གླེང
iiif viewer powered by OpenSeadragon
