| e-texts navigator |
| Wylie |
179b1 མཁའ་འགྲོ་མང་པོས་བསྐོར།། དམ་ཉམས་ཆད་པ་གཅོད་པར་བྱེད།། ཀུན་ཏུ་བཟང་པོའི་ཆོས་སྐྱོང་མ།། རྡོ་རྗེ་ཛ་ཏི་རལ་པ་ཅན།། གཡས་ན་སྤུ་གྲི་གཡོན་ན་བན་དྷའོ།། རྡོ་རྗེ་མཁའ་འགྲོ་མ་ཚོགས་རྣམས།། ཤ་ཟ
179b2 ཁྲག་འཐུང་འཁོར་གྱིས་བསྐོར།། བདེ་གཤེགས་དེ་ཡི་བྱིན་བརླབས་ལས།། མ་གཅིག་མཁའ་འགྲོ་དྲག་མོ་ཡི།། ལྷུམས་ནས་དགའ་རབ་རྡོ་རྗེ་སྦྲུལ།། མཁའ་འགྲོ་མ་རྣམས་རབ་ཏུ་དགྱེས།། མཁའ་འགྲོ་མ་ཡི་ཚོགས
179b3 རྣམས་ཀྱིས།། དྲག་པོ་ལྟ་སྟངས་ཐོག་འབེབས་ཞུས།། དེ་ནས་རྡོ་རྗེ་སེམས་དཔའ་ཡིས།། དྲག་པོ་ཀུན་འདུལ་ཏིང་འཛིན་ལ།། སྙོམས་པར་ཞུགས་ནས་འདི་སྐད་ཞུས།། དྲག་པོ་དྲག་མོ་འདུལ་བ་ཡི།། ཐབས་མཆོག་བླ
179b4 མེད་ང་ཡིས་བཤད།། ཅེས་གསུངས་སོ།། ཕྱག་ན་རྡོ་རྗེ་དྲག་པོ་ལྟ་སྟངས་ཡེ་ཤེས་ཐོག་འབེབས་ཀྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་མཁའ་འགྲོ་རྣམས་ཀྱིས་སུ།། དཔའ་བོ་རྡོ་རྗེ་སེམས
179b5 དཔའ་ཁྱོད།། བདག་ཅག་མཁའ་འགྲོ་མ་རྣམས་ཀྱིས།། དེ་ཡི་འདུལ་བའི་ཆོས་ཞུ་འཚལ།། ཞེས་ཞུས་པ། ཧེ་ཧེ་རྡོ་རྗེ་མཁའ་འགྲོའི་ཚོགས།། ཡེ་ཤེས་རྒྱལ་པོ་ཐོག་འབེབས་འདི།། མཁའ་འགྲོའི་ཚོགས་ལ་ང་ཡིས
179b6 བཤད།། རྩེ་གཅིག་ཉོན་ཅིག་མཁའ་འགྲོ་མ།། ཟ་འོག་གུར་ཁྱིམ་བླ་རེ་ལ།། རི་མོའི་རྣམ་པ་བསམ་ཡས་ཀྱང་།། བསྡུས་པས་ཟ་འོག་གུར་ཁྱིམ་ཡིན།། ཁ་དོག་སྣ་ཚོགས་འཇའ་གསལ་བ།། ཆོས་སྐུ་ལོངས་སྐུ་སྤྲུལ་པའི
iiif viewer powered by OpenSeadragon
