| e-texts navigator |
| Wylie |
177b1 པོ་ཡིན།། སྣང་སྲིད་འཁོར་འདས་པའི་གདམས།། སྣང་སྲིད་ཀུན་གྱི་མེས་པོ་ཡིན།། འབྲས་བུ་ཐོད་རྒལ་ཡུལ་མེད་རང་གྲོལ་ཡིན།། སྤྱོད་པ་ཐོད་རྒལ་སྣང་སྲིད་གཞི་བཞེངས་ཡིན།། བསམ་གཏན་ཐོད་རྒལ་བྱིང་རྒོད
177b2 རྩལ་གཅོད་ཡིན།། ལམ་རྣམས་ཐོད་རྒལ་རང་སྣང་རྣམ་དག་ཡིན།། ཞེས་གསུངས་སོ།། ལྟ་བ་ཐོད་རྒལ་གྱི་རྒྱུད་ལས། བླ་མེད་ཐོད་རྒལ་གྱི་ལེའུ་སྟེ་བདུན་པའོ།། །། དེ་ནས་རྡོ་རྗེ་མཁའ་འགྲོ་མས།། སྟོན་པ
177b3 ཀུན་ཏུ་བཟང་པོ་ལགས།། སྤྱོད་པ་ཐོད་རྒལ་གསུང་བར་ཞུ།། ཞེས་ཞུས་པས། ཀུན་ཏུ་བཟང་པོས་བཀའ་སྩལ་པ།། ཉོན་ཅིག་མཁའ་འགྲོ་ཉི་མའི་འཕྲེང་།། སྤྱོད་པ་ཐོད་རྒལ་བསྟན་པ་ན།། མ་བྱས་སྤྱོད་པ་རང
177b4 བྱུང་ཐོད་རྒལ་ནི།། ཕྱི་ནང་འོད་ལ་སྤྱོད་ཤེས་ན།། ལོངས་སྐུ་རང་གདངས་ཕྱོགས་མེད་སྤྱོད།། སྤྱོད་པ་རང་ཤུགས་ལ་ཤར།། མ་བཀག་རང་བྱུང་སྤྱོད་པ་ཐོད་རྒལ་ཡིན།། རང་སྣང་ལུས་སྐྱེ་མེད་སྤྱོད་ཤེས་ན།། ཆོས་སྐུ
177b5 རང་ཕྱོགས་མེད་སྤྱོད།། སྤྱོད་མཁན་རང་སྣང་སྤྱོད་ཡུལ་གྲོལ།། མ་བསྒྲུབས་རང་ཤར་སྤྱོད་པ་ཐོད་རྒལ་ཡིན།། གསང་སྣང་འགྱུ་བ་ཡིད་དག་ལ།། རང་ཤར་སྤྱོད་པ་སྦྲུལ་སྐུ་ཁོང་ནས་ཤར།། སྤྱད་རྒྱུ་རང་གདངས་འོད
177b6 གསལ་ཕྱོགས་རིས་མེད།། སྤྱོད་པ་ཐོད་རྒལ་ཅིར་སྣང་སྤྲུལ་པའི་སྐུ།། ཐམས་ཅད་སྤྱོད་པར་ཤར་བས་འཁྲུལ་པའི་མིག་མ་ཐོགས།། སྤྱོད་པ་ཐོད་རྒལ་ཐབས་ལ་རེ་མི་ལྟོས།། རང་གྲོལ་ཐབས་ལ་མི་བརྟེན་པས།། སྤྱོད
iiif viewer powered by OpenSeadragon
