| e-texts navigator |
| Wylie |
176b1 ཉམས།། ཞེས་གསུངས་སོ།། ལྟ་བ་ཐོད་རྒལ་གྱི་རྒྱུད་ལས། ནང་ལྟ་བའི་ཐོད་རྒལ་གྱི་ལེའུ་སྟེ་ལྔ་པའོ།། །། བཅོམ་ལྡན་ཀུན་ཏུ་བཟང་པོ་ཡིས།། མཁའ་འགྲོ་རྣམས་ལ་བཀའ་སྩལ་པ།། སྦས་པའི་ལྟ་བ་འདི་ལྟ
176b2 སྟེ།། བཙུན་མོ་བདེ་བ་སྐྱོང་མ་ལ།། མཚན་མོ་སྐྱེས་པ་བརྒྱད་ཁྲི་དང་།། བཞི་སྟོང་དག་གིས་ཆགས་པ་སྤྱད།། སླར་ལ་འདོད་པ་སྐྱེས་ནས་སུ།། ཇི་ཙམ་སྤྱད་ཀྱང་མ་ཚིམ་ནས།། སླར་ལ་བདེ་བ་ཚོལ་དུ་ཕྱིན།། ཡུལ་ནི
176b3 གླང་ཆེན་རིན་ཆེན་གླིང་།། གསེར་གྱི་ཉི་མ་བྱ་བ་ཡོད།། དེ་ན་མཚན་མོས་སྟོང་གསུམ་སླེབ།། སྔུན་དུ་སུ་བྱུང་རང་སར་སྦྱོར།། དེ་དང་མོ་གཉིས་ཕྲད་པ་ལས།། ཕོ་མཚན་མཐོང་བས་ཡིད་འབྱུང་ངོ་།། དེ་བདེ་དོན་ནི
176b4 འདི་ལྟ་སྟེ།། བཙུན་མོ་ཀུན་གཞི་སྦྱངས་མ་ལ།། སྐྱེས་པ་ཉོན་མོངས་བརྒྱད་ཁྲི་དང་།། བཞི་སྟོང་ལས་གྱུར་པ་ཡི།། ཆགས་པ་འཁོར་བའི་སྣང་བའོ།། སླར་འདོད་སྐྱེས་པ་འགྲོ་བ་དྲུག། ཇི་ཙམ་འཁོར་ཀྱང་མི་གྲོལ
176b5 ཏེ།། སྐྱེ་ཤི་ཟོ་ཞིང་རྒྱུད་ནས་ཚོལ།། ཆོས་ཉིད་ཀློང་ཆེན་སྐུ་གསུམ་གནས།། འགྱུར་མེད་ཡེ་ཤེས་གསེར་ལྟ་བུ།། ཕྱི་ནང་མེད་པས་ཀུན་ཏུ་ཁྱབ།། བླ་མས་དོན་བསྟན་རང་ལ་ཤར།། རང་ཤར་ཡེ་ཤེས་ངོ་ཤེས
176b6 པས།། རང་སྒོ་མཐོང་བས་ཞེ་འདོད་མེད།། ཚོགས་དྲག་རོལ་པ་རང་གྲོལ་ལས།། ཡེ་ཤེས་ཐིག་ལེ་རྒྱུན་ཆད་མེད།། ཆགས་སྡང་འདོད་ཡོན་འུབ་ཆུབ་ཀུན།། རྩེ་གཅིག་དགོངས་པ་རང་སར་སླེབ།། ཐིག་ལེ་བརྩེགས
iiif viewer powered by OpenSeadragon
