| e-texts navigator |
| Wylie |
175b1 གསུང་དུ་གསོལ།། ཅེས་ཞུས་པས། ཀུན་ཏུ་བཟང་པོས་བཀའ་སྩལ་པ།། ཉོན་ཅིག་རྡོ་རྗེ་མཁའ་འགྲོ་མ།། ཕྱི་ཡི་ལྟ་བ་ཐོད་རྒལ་དང་།། ནང་གི་ལྟ་བ་ཐོད་རྒལ་དང་།། སྦས་པ་བླ་ན་མེད་པའོ།། དེ་ནི་ང་ཡིས་བསྟན
175b2 པར་བྱ།། ལེགས་པར་ཉོན་ཅིག་མཁའ་འགྲོ་མ།། ཕྱི་ཡི་ལྟ་བ་ཟོད་རྒལ་ནི།། སྣང་བ་རང་གྲོལ་ངོ་བོའི་སྐུ།། རྒྱུ་རྐྱེན་མེད་པས་མཁའ་ལྟར་གསལ།། རང་བྱུང་ཆོས་སྐུ་ཁོ་ན་ལ།། ལྟ་བ་སྟོང་ཉིད་ཐོད་རྒལ་བས།། འོད
175b3 གསལ་ཆོས་ཉིད་དོན་གྱིས་འཕགས།། གཉེན་པོ་མེད་པས་རང་བྱུང་སྐུ།། ནམ་མཁའ་གདངས་དང་ཆས་པ་ལྟར།། རང་བྱུང་ཆོས་སྐུ་འོད་ལས་གྲོལ།། རང་སྣང་ཐིག་ལེས་ཁྱབ་པས་ན།། ཕྱི་ཡི་ལྟ་བ་ཟོད་རྒལ
175b4 ཡིན།། འབྱུང་བ་སྐྱེས་པ་བུད་མེད་སོགས།། རྒྱ་མཚོ་དར་དང་རླབས་སྣ་བཞིན།། ཐིག་ལེ་དག་ལས་འདས་པ་ནི།། ཕྲ་རབ་རྡུལ་ཡང་མི་རྙེད་དོ།། ལྟ་བ་ཐོད་རྒལ་རང་བྱུང་ཤར།། སྟོད་ཀྱིས་བྱུང་བས་རྩེ་མོར་ཕྱིན།། ཉི
175b5 ཟླ་བརྩེགས་པས་གྲིབ་མ་མེད།། འོག་མའི་གྲུབ་མཐའ་ཡས་རྒལ་བས།། སེང་གེ་དཀར་མོས་འོག་རྟ་བྱེད།། ཐེག་དགུའི་རྩེ་མོར་ཕྱིན་པ་ཡིན།། ཞེས་གསུངས་སོ།། ལྟ་བ་ཟོད་རྒལ་གྱི་རྒྱུད་ལས། ཕྱི་ལྟ་བ་ཟོད་རྒལ་གྱི
175b6 ལེའུ་སྟེ་བཞི་པའོ།། །། དེ་ནས་རྡོ་རྗེ་མཁའ་འགྲོས་གསོལ་བ། བཅོམ་ལྡན་ཀུན་ཏུ་བཟང་པོ་ལགས།། ནང་གི་ལྟ་བ་ཐོད་རྒལ་ཇི་ལྟར་ལགས།། ཞེས་ཞུས་པས། ཀུན་ཏུ་བཟང་པོས་བཀའ་སྩལ་པ།། མེ་ལོང
iiif viewer powered by OpenSeadragon
