| e-texts navigator |
| Wylie |
175a1 རྫོགས་པ་ཡིན།། གོམ་པ་གཅིག་ལ་ས་གཅད་པས།། བློན་པོས་སྐད་ཅིག་ས་གཅད་པས།། བློན་པོས་སྐད་ཅིག་དོན་སར་སླེབ།། ཅེས་བརྡ་གསུངས་སོ།། བློན་པོ་ཀུན་གྱི་བཤེས་གཉེན་ནི།། བླ་མས་རང
175a2 ང་ཡེ་ཤེས་སྟོན།། སེང་གེ་དཀར་མོའི་རྟ་པོ་ནི།། དཔེར་ན་རིན་ཆེན་མན་ཤེལ་ལྟར།། དམ་ཚིག་སེལ་མེད་རང་བྱུང་བས།། དེ་ནི་དམ་ཚིག་རྩ་བ་ཡིན།། བློན་པོས་དེ་ལ་ཞོན་པ་ནི།། རང་བྱུང་ཡེ་ཤེས་རང་གིས
175a3 བསྲུངས།། སེང་གེ་རྩལ་གསུམ་རྫོགས་པ་ནི།། ཆོས་སྐུ་རང་སྣང་རྡོ་རྗེ་འདྲ།། དེ་ལས་འདས་ནི་འཚིག་པར་འགྱུར།། ལོངས་སྐུ་རང་སྣང་པདྨ་འདྲ།། དེ་ལས་འདས་ནི་འཆིང་བར་འགྱུར།། སྦྲུལ་སྐུ་རང་སྣང་རིན་ཆེན
175a4 འདྲ།། དེ་ལས་འདས་ན་བརླག་པར་འགྱུར།། གོམ་པ་གཅིག་གིས་ས་གཅད་པ།། ཆོས་སྐུ་རྩོད་བྲལ་དམ་ཚིག་ཡིན།། སྐད་ཅིག་དོན་སར་སླེབ་པ་ནི།། མ་བསྲུངས་མི་འདའི་དམ་ཚིག་ཐུབ་ཅིང་བསྲུང་དུ་གྲོལ།། དམ
175a5 ཚིག་ཤེལ་གྱི་འཕྲེང་བ་འདི།། ཐམས་ཅད་དྲི་མེད་ཟང་ཐལ་ལ།། ཉམས་དང་བསྐང་བ་བྱ་མི་དགོས།། ཅི་སྟེ་རང་ལ་མི་འདའ་བས།། རྒྱལ་པོ་རང་རྟགས་དམ་ཚིག་ཡིན།། རིན་ཆེན་ཤེལ་གྱི་འཕྲེང་བ་ཡིན།། ཞེས
175a6 གསུངས་སོ།། དམ་ཚིག་ཤེལ་འཕྲེང་ལྟ་བ་ཐོད་རྒལ་གྱི་རྒྱུད་ལས། དམ་ཚིག་ཤེལ་འཕྲེང་གི་ལེའུ་སྟེ་གསུམ་པའོ།། །། དེ་ནས་མཁའ་འགྲོ་མའི་འཕྲེང་བས།། བཅོམ་ལྡན་ཀུན་ཏུ་བཟང་པོ་ལ།། ལྟ་བ་ཐོད་རྒལ
iiif viewer powered by OpenSeadragon
