| e-texts navigator |
| Wylie |
174b1 ཕྱོགས་མེད་ཡིན།། མཛོད་སྤུར་ཤར་བས་མུན་ཆོམས་པ།། ཐིག་ལེ་རང་གྲོལ་འཁོར་བ་གྲོལ།། ནོར་བུ་རང་འོད་འབར་བ་དེ།། རང་བྱུང་ཡེ་ཤེས་ཁོང་ནས་ཤར།། ཉིན་མཚན་མེད་པར་གསལ་བ་དེ།། ཆོས་མིན་ཡེ
174b2 ཤེས་ཟང་ཐལ་ཡིན།། དབང་བསྐུར་རྒྱལ་པོ་རང་བྱུང་དབང་།། ལམ་གྱི་རྒྱལ་པོ་ཡེ་ཤེས་སྐུ།། རླུང་དང་ཐིག་ལེ་རྩ་གསུམ་པོ།། ལྷན་ཅིག་སྐྱེས་པ་དབང་གི་རྟགས།། དེ་ཡི་བསྐུར་ཐབས་རང་བྱུང་དབང་།། དེ་ཡི་ཐོབ།
174b3 ཚུལ་རང་རིག་དབང་།། རང་དབང་ཡིན་པས་གཞན་མི་ཚོལ།། རང་བྱུང་དབང་གི་རྒྱལ་པོ་ཡིན།། རང་ལ་དབང་བས་གསང་དབང་ཡིན།། མ་ལུས་འདུ་འབྲལ་མེད་པར་ཤེས།། དེ་ནི་ཐབས་ཀྱི་དབང་བསྐུར
174b4 ཡིན།། རིག་པ་སྣང་བ་རང་གྲོལ་ཤེས།། དེ་ནི་ཤེས་རབ་དབང་བསྐུར་ཡིན།། རང་ལ་རྫོགས་པས་བུམ་པའི་དབང་།། ཚིག་གཅིག་བསྟན་པས་དབང་ཐོབ་པ།། དེ་ནི་ཚིག་དབང་རིན་པོ་ཆེ།། ཞེས་གསུངས་སོ།། འཇམ
174b5 དཔལ་ལྟ་བ་ཟོད་རྒལ་གྱི་རྒྱུད་ལས། དབང་གི་ལེའུ་སྟེ་གཉིས་པའོ།། །། དེ་ནས་རྡོ་རྗེ་མཁའ་འགྲོ་རྣམས་ཀྱིས་ནི།། བཅོམ་ལྡན་ཀུན་ཏུ་བཟང་པོ་ལགས།། དམ་ཚིག་བསྲུང་ལུགས་གསུང་དུ་གསོལ།། ཞེས་ཞུས
174b6 པས། ཀུན་ཏུ་བཟང་པོས་བཀའ་སྩལ་པ།། ཉོན་ཅིག་མཁའ་འགྲོ་འཁོར་ཚོགས་རྣམས།། བློན་པོ་ཀུན་གྱི་བཤེས་གཉེན་ལ།། སེང་གེ་དཀར་མོའི་རྟ་ཡོད་དེ།། བློན་པོས་ཞོན་ནས་ཕྱིན་པ་ལ།། སེང་གེ་རྩལ་གསུམ
iiif viewer powered by OpenSeadragon
