| e-texts navigator |
| Wylie |
174a1 རྡོ་རྗེ་མཁའ་འགྲོ་དང་།། དབྱིངས་ཀྱི་མཁའ་འགྲོ་ལ་སོགས་པས།། བཅོམ་ལྡན་ཀུན་ཏུ་བཟང་པོ་དང་།། འཇམ་དཔལ་དྲི་མེད་ཉིད་ལ་ནི།། ལྟ་བ་ཟོད་རྒལ་ཇི་ལྟར་ལགས།། སྤྱོད་པ་ཟོད་རྒལ་ཇི་ལྟར
174a2 ལགས།། སྒོམ་པ་ཐོད་རྒལ་ཇི་ལྟར་ལགས།། འབྲས་བུ་ཐོད་རྒལ་ཇི་ལྟར་ལགས།། གོ་འཕང་དབང་ལ་རག་ལུས་པས།། དབང་བསྐུར་ཐོད་རྒལ་ཇི་ལྟར་ལགས།། དམ་ཚིག་ཐོད་རྒལ་ཇི་ལྟར་ལགས།། ཞེས་ཞུས
174a3 པས། ཀུན་ཏུ་བཟང་པོས་བཀའ་སྩལ་པ།། འཇམ་དཔལ་དྲི་མ་མེད་པ་དང་།། མཁའ་འགྲོའི་ཚོགས་རྣམས་ལེགས་པར་ཉོན།། དྲི་མེད་དབང་བསྐུར་བསྟན་པ་ནི།། རྒྱལ་པོ་ཀུན་གྱི་འབྱུང་གནས་ཏེ།། རྒྱལ་རིགས་ཆེན
174a4 པོས་དབང་བསྐུར་བས།། མཚན་དང་དཔེ་བྱད་རང་ལས་བྱུང་།། ནོར་བུ་རིན་ཆེན་མཛེས་པ་དེ།། མཛོད་སྤུར་ཤར་བས་མུན་པ་ཆོམས།། ནོར་བུའི་རང་གདངས་འབར་བ་ཡིས།། ཉིན་མོ་མཚན་མོའི་སྣང་བ
174a5 ནུབ།། ཅེས་བརྡ་བསྟན་ནོ།། མཁའ་འགྲོ་ཉི་མའི་འཕྲེང་བ་དེས།། ཀུན་ཏུ་བཟང་པོས་བརྡ་དགྲོལ་ཞུ།། ཀུན་ཏུ་བཟང་པོས་བཀའ་སྩལ་པ།། རྒྱལ་པོ་ཀུན་གྱི་འབྱུང་གནས་ནི།། ཆོས་སྐུ་རང་ལ་ཡོད་པའི་རྟགས།། རྒྱལ
174a6 པོ་ཆེན་པོར་དབང་བསྐུར་བས།། ཐིག་ལེར་རང་གྲོལ་དབང་གི་རྒྱལ་པོ་ཡིན།། མཚན་དང་དཔེ་བྱད་རང་བྱུང་བས།། ཆོས་སྐུའི་དབང་ཐོབ་སྐུ་གཉིས་འབྱུང་།། ནོར་བུ་རིན་ཆེན་མཛེས་པ་ནི།། ཐུགས་རྗེའི་བྱིན་རླབས
iiif viewer powered by OpenSeadragon
