| e-texts navigator |
| Wylie |
152b1 དྲས་ཐག་གཅད་པ་བསྟན་པར་ཞུ།། ཞེས་ཞུས་པས། རྡོ་རྗེ་སེམས་དཔས་བཀའ་སྩལ་པ།། ཉོན་ཅིག་རྡོ་རྗེ་མཁའ་འགྲོ་མ།། ལྟ་བའི་རྐུན་བུས་ཁྱེར་བའི་མི།། དཔེར་ན་ནམ་མཁའ་སྟོང་པ་ལ།། ཕྱོགས་བཅུ་གཅད་ནས
152b2 སྒྲུབ་པར་བྱེད།། ནམ་མཁའ་ཕྱོགས་མེད་རང་ཤར་ལ།། ཕྱོགས་རིས་གཅད་ནས་རྐུན་བུས་ཁྱེར།། སྟོང་པ་ཉིད་ནི་ཁས་ལེན་པ།། དངོས་པོ་མ་ཤོང་ཕྱོགས་ལྟོས་བྱེད།། རྫོགས་ཆེན་ཁས་ལེན་སྟོང་ཉིད་ཅན།། དབུ་མའི
152b3 ལྟ་བའི་རྐུན་བུས་ཁྱེར།། རྫོགས་ཆེན་རོལ་པའི་དོན་མ་རྟོགས།། སྟོང་ཉིད་ཕྱི་དུས་འདེབས་པ་ནི།། འབྲས་བུའི་དྲས་ཟག་མཆོད་པས།། ཐིག་ལེར་རང་སྣང་སྒྲིབ་པ་ཡིས།། འབྲས་བུ་རང་གྲོལ་དུས་མི་འཆི།། དེ་ན
152b4 དྲས་ཟག་གཅད་པ་ནི།། སྣང་སྲིད་རང་གྲོལ་རང་ཤར་འདི།། གོལ་སྒྲིབ་གཉིས་ཀྱི་དོན་རྟོགས་པས།། དབུ་མའི་དོན་རྟོགས་རྫོགས་ཆེན་ཡིན།། ཕྱོགས་མེད་ཤར་ནས་རང་གྲོལ་ཡིན།། ཡེ་ཤེས་རིན་ཆེན་འབར་བ
152b5 འདི།། ཁོང་ནས་ཤར་བར་འབྲས་བུའི་དྲས་ཟག་ཆོད།། འབྲས་བུའི་དྲས་ཟག་མཆོད་ན།། ཕྱོགས་རྟོགས་འབྲས་བུ་ཐོབ་མི་སྲིད།། ཅེས་གསུངས་སོ།། ཐིག་ལེ་འདྲེ་རྒྱུད་ཆེན་པོ་ལས། ལྟ་བའི་རྐུན་བུ་ངོས་གཟུང་བ
152b6 དང་དྲས་ཐག་གཅད་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་རྡོ་རྗེ་མཁའ་འགྲོ་མས་ཞུས་པ། ཀྱེ། གསང་བདག་རྡོ་རྗེ་སེམས་དཔའ་ལགས།། སྒོམ་པའི་རྐུན་བུ་ཇི་ལྟར་ལགས།། དེ་ཡི་དྲས་ཐག་ཇི
iiif viewer powered by OpenSeadragon
