| e-texts navigator |
| Wylie |
151b1 རང་ཤར་བས་དབང་གི་རྒྱལ་པོ་ཡིན།། རང་གི་ཐོས་པས་དབང་བསྐུར་རྒྱལ་པོ་ཡིན།། དབང་ལྔ་ཤེས་རབ་རིག་པ་ཡེ་ཤེས་དབང་།། ལམ་དུ་སློངས་ན་དབང་ལྔ་ལྷན་ཅིག་སྐྱེས།། དེ་ཤེས་པར་ཆད་མེད་པའི་བརྡ་ནི
151b2 བུམ་ནང་མར་མེ་འདྲ།། དབང་པོ་རབ་ཀྱི་བརྡ་ནི་ཉི་ཤར་དུས་ཚོད་འདྲ།། འབྲིང་དང་ཐ་མའི་བརྡ་བསྟན་པ།། ནོར་བུ་རིན་ཆེན་སྐུངས་བཅུག་འདྲ།། བར་ཆད་མེད་ན་དབང་གི་རྒྱལ་པོ་ཡིན།། རྒྱུན་མི་འཆད་པས
151b3 དབང་གི་བསྐུར་ཐབས་ཡིན།། ཨ་བི་ཥེ་ཀ་ན་མ་ཧཱུཾ། ཞེས་གསུངས་སོ།། ཐིག་ལེ་འདྲེ་རྒྱུད་ཆེན་པོ་ལས། དབང་གི་གདམས་པ་བསྟན་པའི་ལེའུ་ལས།། བཀའ་སྒོ་དྲས་ཐག་གཅད་པའི་ལེའུ་སྟེ་བཅུ་གཅིག་པའོ།། དེ
151b4 ནས་ཡང་རྡོ་རྗེ་མཁའ་འགྲོ་མས།། ཀྱེ་ཀྱེ་བཅོམ་ལྡན་གསང་བའི་བདག། བླ་མས་ཐབས་མང་བསྟན་པ་ནི།། གང་གི་དོན་དུ་གསུངས་པ་ལགས།། ངེས་པའི་དོན་ལ་གཅིག་ཏུ་འདུས།། སྣ་ཚོགས་བསྟན་པ་ཇི་ལྟར
151b5 ལགས།། ཞེས་ཞུས་པས།། རྡོ་རྗེ་སེམས་དཔས་བཀའ་སྩལ་པ།། ཉོན་ཅིག་རྡོ་རྗེ་མཁའ་འགྲོ་མ།། ངས་ནི་ཐམས་ཅད་གཅིག་ཏུ་བསྟན།། སློབ་དཔོན་ཚད་མར་མགོ་དང་།། སློབ་མས་ཚད་མར་མགོ་ན།། དེ་ནི་བཀའ
151b6 བསྒོ་ལམ་ལ་འཆིངས།། གདམས་ངག་ཚད་དང་མ་ལྡན་པར།། སློབ་དཔོན་ཚད་མར་ཁས་ལེན་དང་།། རྡོ་ལ་གསེར་ཆུ་བསྐུས་པ་འདྲ།། སློབ་མས་ཚད་མར་མ་ཤེས་པ།། རྩ་བ་རུལ་པའི་ལོ་མ་འདྲ།། འབྲས་བུ་སྨིན
iiif viewer powered by OpenSeadragon
