| e-texts navigator |
| Wylie |
151a1 འབྲས་དབྱེར་མེད་ཐིག་ལེའི་དོན།། ཚེ་གཅིག་དག་གིས་ཐོབ་པའོ།། མ་ཧཱ་ཀ་རུ་ལོ་ཀ་ཏི་ལ་ཛྙཱ་ན་ཨཱ། ཞེས་གསུངས་སོ།། ཐིག་ལེ་འདྲེ་རྒྱུད་ཆེན་པོ་ལས། གྲུབ་མཐའི་འབྲས་བུས་དབང་བསྐུར་བའི་ལེའུ
151a2 དང་། ཐེག་པའི་སྒོ་ལ་འཆིངས་པའི་ལེའུ་སྟེ་བཅུ་པའོ།། །། དེ་ནས་ཡང་མཁའ་འགྲོ་མས་ཞུས་པ། རྡོ་རྗེ་སེམས་དཔའ་ཆེན་པོ་ལགས།། བརྟུལ་ཞུགས་དབང་བསྐུར་གསུང་དུ་གསོལ།། ཅེས་ཞུས་སོ།། སྟོན
151a3 པས་བཀའ་སྩལ་པ། ཉོན་ཅིག་རྡོ་རྗེ་མཁའ་འགྲོ་མ།། གངས་ཀྱི་རྒྱལ་པོ་ཏི་ཙེ་ལ།། སྲོག་ཆགས་ཆེན་པོ་བཞི་གནས་སོ།། ཆུ་བོ་བཞི་འབབ་དབང་གི་བརྡ།། རྒྱ་མདུད་དབང་གི་དཀྱིལ་འཁོར་ན།། ཤེལ་གྱི་གའུ་ཁ་སྦྱར
151a4 ན།། སྲོག་ཆགས་རྣམ་བཞི་དབང་གི་རྟགས།། རྟགས་དང་དོན་དུ་འབྲེལ་བ་ཡིན།། རིན་ཆེན་ཟུར་བརྒྱད་ཕོ་བྲང་ན།། རིག་པའི་རྒྱལ་པོ་ཟང་ཐལ་གནས།། བརྟུལ་ཞུགས་དབང་གི་དོན་ཡིན་ཏེ།། སྲོག་ཆགས་སྲོག་རྩ
151a5 གཅད་པ་གཅེས།། དབང་རྟགས་རང་ལ་ཡོད་ཀྱིས་ཕྱིར་མ་ཚོལ།། བརྡ་དོན་རྣམ་གསུམ་ཉི་མའི་སྙིང་པོ་འདྲ།། དོན་གསུམ་རང་ལ་གནས་པ་ངོ་མཚར་ཆེ།། ཨེ་མ་རང་ཤར་ལྟད་མོ་ཆེ།། ཕྱི་ནང་གསང་བ་དབང་གི
151a6 བརྡ།། རང་ཆས་ཡིན་པས་བཙལ་དུ་མེད།། ཚོལ་ན་གསེར་གྱིས་གསེར་ཚོལ་འདྲ།། ཚོལ་ན་ཤིན་ཏུ་རྙེད་པར་དཀའ།། དབང་རྫས་དབང་བསྐུར་ཐོབ་ལུགས་ནི།། ནོར་བུ་རིན་ཆེན་གཞན་གྱི་འོད་འཕྲོག་འདྲ།། རང་ལ
iiif viewer powered by OpenSeadragon
