| e-texts navigator |
| Wylie |
150b1 ཉོན་ཅིག་རྡོ་རྗེ་མཁའ་འགྲོ་མ།། སྒོམ་པའི་མཚན་ཉིད་བསྟན་པ་ནི།། ཉན་ཐོས་གཟུང་འཛིན་བཀག་ནས་ནི།། ཚོགས་དྲུག་བཀག་ནས་སྒོམ་པ་ཡིན།། ཕུང་པོ་མི་གཙང་རུས་ཐིགས་བསྒོམ།། རང་སངས་རྒྱས་ཀྱི་སྒོམ
150b2 པ་ནི།། རྟེན་འབྲེལ་བཅུ་གཉིས་འཁོར་ལོ་སྒོམ།། དབུ་མ་དག་གི་སྒོམ་པ་ནི།། སྒྱུ་མའི་དཔེ་བརྒྱད་ལྟ་བུ་སྒོམ།། ཀྲི་ཡ་རིགས་གསུམ་མགོན་པོ་བསྒོམ།། ཡོ་ག་སྐུ་ལྔའི་དཀྱིལ་འཁོར་སྒོམ།། མ་ཧཱ་རིགས་ལྔའི་ལྷ་རུ
150b3 སྒོམ།། ཨ་ནུ་རིག་པའི་ལྷར་སྒོམ་པའོ།། ཨ་ནུ་ཡོ་ག་སྒོམ་ལས་འདས།། བླ་ན་མེད་པའི་ཐིག་ལེ་འདི།། རིན་པོ་ཆེ་ནི་ཁོང་ནས་འཆར།། སྒོམ་སྒྲུབ་རང་ལ་རང་ཤར་གྲོལ།། ཉན་ཐོས་བདག་མེད་ཁོ་ན་སྤྱོད།། རང
150b4 སངས་རྒྱས་ནི་གཉིས་ཀ་སྤྱོད།། དབུ་མ་ཕ་རོལ་ཕྱིན་བཅུ་སྤྱོད།། ཀྲི་ཡ་འཕྲིན་ལས་རྣམ་བཞི་སྤྱོད།། ཡོ་ག་འཕྲིན་ལས་རྣམ་བཞི་སྤྱོད།། མ་ཧཱ་སྦྱོར་སྒྲོལ་སྤྱོད་པ་བྱེད།། ཨ་ནུ་མ་ཧཱའི་སྤྱོད་པའོ།། ཨཱ་ཏི་སྣང་སྲིད་གཞི
150b5 བཞེངས་སྤྱོད།། གསང་བ་ཡང་གཏེར་སྤྱོད་པ་ནི།། འཛིན་རྒོད་བྱིང་རྒོད་མེད་པ་ཡི།། རང་གྲོལ་ཡེ་ཤེས་འོད་གསལ་སྤྱོད།། ཉན་ཐོས་འབྲས་བུ་དགྲ་བཅོམ་པ།། རང་སངས་རྒྱས་ཀྱི་འབྲས་བུ་ནི།། ནེ་ཙོ་བསེ་རུ་ལྟ
150b6 བུའོ།། དབུ་མའི་འབྲས་བུ་སྤྲོས་མཐའ་བྲལ།། ཀྲི་ཡའི་འབྲས་བུ་སྣང་མཐའ་ཡས།། ཡོ་ག་ཚེ་ཡི་རིག་འཛིན་ཐོབ།། མ་ཧཱ་ཕྱག་རྒྱ་ཆེན་པོར་འདོད།། ཨ་ནུ་རྣམ་སྣང་ས་ཆེན་འདོད།། བླ་ན་མེད་པའི་ཐིག་ལེ་འདི།། རྒྱུ
iiif viewer powered by OpenSeadragon
