| e-texts navigator |
| Wylie |
149b1 ལུས་ལ་བསྐུར་བ་ཡིས།། སྐྱེ་རྒ་ན་འཆི་བཞི་ལས་གྲོལ།། གྲོལ་བ་རང་བྱུང་ངོ་མཚར་ཆེ།། སྐྱེ་བ་མེད་པས་འཆི་ལས་གྲོལ།། ན་བ་མེད་པས་རྒས་ལས་གྲོལ།། རང་གྲོལ་རང་ཤར་དབང་མཆོག་འདི།། གོ་འཕང་དབང
149b2 གིས་བགྲོད་ཕྱིར་གསུངས།། འདིར་འཇུག་ལམ་གྱི་མཆོག་ཏུ་བཤད།། ཡེ་ཤེས་ལྔ་ཡིས་ཡེ་ནས་ཁྱབ།། ཁྱབ་པར་རང་བྱུང་ཡེ་ཤེས་སྐུ།། ཡེ་ཤེས་སྐུ་ཡི་དབང་བསྐུར་འདི།། ཡེ་ཤེས་ལུས་ལས་རང་ཤར་བ།། རང
149b3 བྱུང་དབང་བསྐུར་ངོ་མཚར་ཆེ།། ཨ་བི་ཥེ་ཀ་ཨུ་བྷན་དྷེ་ཤ། ཞེས་གསུངས་སོ།། ཐིག་ལེ་འདྲེ་རྒྱུད་ཆེན་པོ་ལས། ལྷ་དབང་ལུས་ལ་བསྐུར་བའི་ལེའུ་སྟེ་བརྒྱད་པའོ།། །། དེ་ནས་ཡང་མཁའ་འགྲོ་མས་ཞུས་པ།
149b4 ཀྱེ། སྟོན་པ་རྡོ་རྗེ་སེམས་དཔའ་ལགས།། ཆོས་དབང་སེམས་ལ་བསྐུར་བ་བསྟན་པར་ཞུ།། ཞེས་ཞུས་པས། སྟོན་པས་བཀའ་སྩལ་པ། དབང་དང་མན་ངག་བཤད་པ་ནི།། སྣོད་ལྡན་ངང་ཚུལ་ལྡན་ལ་བཤད།། དབང
149b5 དང་མན་ངག་མ་ཐོབ་པར།། དེ་ནི་ངལ་བ་དོན་མེད་ཡིན།། དབང་དང་མན་ངག་འདོད་པའི་མིས།། སྲོག་ལུས་འཕངས་པ་མེད་པར་གཏོང་།། དེ་ནི་དབང་གི་སྣོད་དུ་རུང་།། དབང་མ་ཐོབ་པས་ཆོས་འཆད་པ།། དེ་ཡི
149b6 ལྕེ་ལ་ཞིང་རྨོའོ།། དབང་མ་ཐོབ་པར་སྒོམ་པར་བྱེད།། དེ་ནི་ཕག་ཚོད་ཡིད་སྨོན་མཁན།། ང་ཡིས་བཤད་ཀྱིས་ལེགས་པར་ཉོན།། སྔོན་ཡུལ་ཡངས་པ་ཅན་གྱི་གནས།། དངུལ་གྱི་མེ་ལོང་རང་གདངས་གླིང་།། སྐྱེས་པ
iiif viewer powered by OpenSeadragon
