| e-texts navigator |
| Wylie |
148b1 ཤར་ཇི་ལྟར་ལགས།། ཞེས་ཞུས་པས། སྟོན་པས་བཀའ་སྩལ་པ། ཉོན་ཅིག་རྡོ་རྗེ་མཁའ་འགྲོ་མ།། རང་ལུས་རྒྱལ་བའི་དཀྱིལ་འཁོར་འདི།། སྒོ་ལྔ་ཚོགས་བརྒྱད་ཕུང་པོ་ལྔ།། མ་ཧཱ་ད་ལའི་ངོ་བོར་ཤར།། རང་ལ་རང
148b2 ཤར་ངོ་མཚར་ཆེ།། རིན་ཆེན་ཟུང་བརྒྱད་རྩེ་སོར་བཞི།། སི་ར་ཤེལ་གྱི་མཎྜལ་ན།། དབུས་ན་རྣམ་པར་སྣང་མཛད་བཞུགས།། ཕྱོགས་བཞིའི་སེམས་དཔའི་ངོ་བོར་ཤར།། དེ་ཡི་སྣང་བ་རང་གདངས་ལས།། སེམས
148b3 དཔའ་སེམས་མ་ཐུབ་པ་དྲུག། ལོངས་སྐུ་རང་ལ་ཤར་བ་ངོ་མཚར་ཆེ།། རིན་ཆེན་རྩིབས་བརྒྱད་འབར་བའི་གནས།། སི་ར་བཞི་ཡི་དབུས་ན་ནི།། འོད་མི་འགྱུར་བ་ཆོས་སྐུར་ཤར།། འོད་སྲུངས་ལོངས་སྤྱོད་རྫོགས
148b4 སྐུར་ཤར།། མར་མེ་མཛད་ནི་སྦྲུལ་སྐུར་ཤར།། འདུ་འབྲལ་མེད་པའི་སྐུ་གསུམ་མོ།། རང་ལ་ཤར་བ་ངོ་མཚར་ཆེ།། ལྟད་མོ་བསམ་སྡུག་ལྷ་ཁང་ཆེ།། སྐྱོ་གྲོགས་རིག་པའི་ཁྱེའུ་ཆུང་བཟང་།། ཟས་སུ་བདེ་ཆེན་རང་ཤར
148b5 བཟའ།། རང་ཤར་ཟ་བ་ཉམས་རེ་ཟབ།། ཟབ་མོ་མཐར་ཕྱིན་ཚད་ཡིན་ནོ།། རང་ཤར་ངོ་ཤེས་ཉམས་ཀྱི་གདེང་།། རང་ཤར་གདན་ཤེས་གདམས་པའི་གདེང་།། ཚད་ལ་ཕེབས་པ་ཡིད་ཆེས་གདེང་།། ཚད་ལས་འདས
148b6 ན་སྒྲིབ་པ་ཡིན།། ཚད་མ་ཟིན་པ་སྒྲིབ་པ་ཡིན།། གོལ་སྒྲིབ་ཚད་ཤེས་ཤིན་ཏུ་དཀའ།། ཀ་ཡ་ར་ཧ་ས་ཡ། ཞེས་གསུངས་སོ།། འདྲེ་རྒྱུད་ཆེན་པོ་ལས། ཕྱི་ནང་དཀྱིལ་འཁོར་སྐུ་གསུམ་ངོ་སྤྲད་ཆེན་པོའི་ལེའུ་སྟེ་བདུན
iiif viewer powered by OpenSeadragon
