| e-texts navigator |
| Wylie |
146b1 ཆེན་པོ་ལས། ཕྱི་ནང་སྣོད་བཅུད་རང་ཤར་གྱི་ལེའུ་སྟེ་བཞི་པའོ།། །། དེ་ནས་ཟླ་བའི་འོད་ཟེར་གྱིས།། ལུས་ཀྱི་མེས་པོ་ཇི་ལྟར་ལགས།། སྐྱེད་པའི་ཕྱི་མོ་ཇི་ལྟར་ལགས།། ཞེས་ཞུས་པས། སྟོན་པས་བཀའ་སྩལ
146b2 པ། གཞི་ཡི་རང་ཤར་འབྱུང་བ་དེ།། རང་གདངས་འབྱུང་བ་འོད་དུ་ཤར།། དེ་འཁྲུལ་དེ་ཤར་མ་རིག་འབྱུང་བ་ལྔ།། དེ་ཡིས་རྐྱེན་བྱས་ཕྱི་འབྱུང་ལུས་ལ་རྒྱས།། འབྱུང་བ་མ་རིག་འདུས་པའི་ལུས་འཁྲུལ་པ།། ལུས་ཀྱི་ཕྱི
146b3 མོ་འབྱུང་བ་རང་གདངས་ཡིན།། ལུས་ཀྱི་མེས་པོ་རླུང་ཆེན་རང་ཤར་ཡིན།། རླུང་དང་རང་དྭངས་འདུས་པས་སྒྲ་ཚིག་སྣ་ཚོགས་སྨིན།། ལུང་བསྟན་ལུང་མ་བསྟན་གྱི་སྒྲ་དང་ནི།། ངོ་བོ་ཉིད་སྒྲ་རུ་ཐམས་ཅད
146b4 འདུས།། རང་ཤར་སྒྲ་དང་ཕྲད་པས་གསུང་ཚིག་མེས་པོ་ཡིན།། རང་གདངས་སྒྲ་ནི་རླུང་གི་རྩལ་ལས་ཤར།། རླུང་ཡང་ཚ་གླང་རླུང་གིས་ལུས་པོ་སྐྱེད།། མ་རིག་རྒན་མོ་ལོང་མ་མུ་ལྟོ་མ།། རྟེན་འབྲེལ་བཅུ་གཉིས་ལྟ
146b5 བུའི་ཚུལ་དུ་གྲུབ།། དེས་ན་འཁོར་བ་གྲུབ་ཚུལ་བརྡ་དང་སྦྱར།། དཔེར་ན་ནམ་མཁའ་འབྱུང་བ་ཀུན་གྱི་མེས།། འོད་ལྔ་འབྱུང་བ་ལྔ་ཡི་ཕྱི་མོ་ལས།། རང་གདངས་འོད་ཀྱི་དཀྱིལ་འཁོར་ནས།། འབྱུང་བ་ལྔ་ཡི་རྩ་བ
146b6 སྨིན།། དེ་ཡིས་བརྡ་བསྟན་འབྱུང་བའི་དཔེ།། བར་སྣང་གློག་འགྱུས་སྣང་སྲིད་གསལ་བ་འགྱུ་བའི་དཔེ།། དུས་མཚུངས་འཁྲུལ་བ་ཟག་པ་སྦྲུལ་ལྟ་བུ།། ཡོན་ཏན་ཕྱོགས་མེད་འཆར་བ་ནོར་བུ་རིན་ཆེན་གླིང་།། འཁྲུལ
iiif viewer powered by OpenSeadragon
