| e-texts navigator |
| Wylie |
144a1 བྲལ་ནས་འཕྲོ་བ་ལྟར།། བདག་དང་བྲལ་བས་ཡེ་ཤེས་དབྱིངས་ན་གསལ།། ཞེས་གསུངས་སོ།། ངན་སོང་གསུམ་ལ་རང་བྱུང་གི་ཡེ་ཤེས་ཡོད་ཀྱང་འབྱིན་མི་ནུས་ཏེ། ཤེས་པ་རང་གསལ་བ་ཙམ་མཐུན
144a2 པའི་ལམ་སྣང་སྟེ། བསོད་ནམས་ཀྱི་སྟོབས་ཆུང་བས་བདེན་པ་ལ་སྤྱོད་མ་ནུས་སོ།། ཀྱེ་སེམས་དཔའ་ཆེན་པོ་སངས་རྒྱས་ཐམས་ཅད་ལ་ཟག་མེད་ཀྱི་ཡེ་ཤེས་ནམ་མཁའ་དང་ཉི་མའི་ཚུལ་དུ་གནས་སོ།། རྟོག་པའི
144a3 མཐའ་ཤེས་རབ་རང་བཞིན་མེད་པས་ཤེས་པར་བྱའོ།། ཐུགས་རྗེའི་བྱེ་བྲག་ཆུ་བོ་གངྒཱའི་རྒྱུན་བཞིན་མི་འཆད་པ་ཉི་མའི་ཟེར་ལྟ་བུར་ཤེས་པར་བྱའོ།། སེམས་ཅན་ལ་ཁྱབ་པའི་ཉི་མའི་འོད་བཞིན་ཁྱབ་པས་བདེ་ལྡན
144a4 ཕུན་སུམ་ཚོགས་སོ།། ཞེས་སངས་རྒྱས་ལ་འོད་ཟེར་འབྱུང་བ་དང་། སེམས་ཅན་ལ་འོད་ཟེར་འབྱུང་བ་བསྟན་པ། སྟོན་པ་རྡོ་རྗེ་སེམས་དཔས་བསྟན། ཞུ་བ་སྤྱན་རས་གཟིགས་ཀྱིས་ཞུས། སྡུད་པ་དགའ་རབ་རྡོ་རྗེས
144a5 བསྡུས་སོ།། ཞེས་ལྷ་མོ་འོད་ཟེར་ཅན་གྱི་རྒྱུད་ལས། སངས་རྒྱས་ཡེ་ཤེས་ལུས་ཅན་དུ་བསྟན་པའི་ལེའུ་སྟེ་གསུམ་པའོ།། །། རྒྱ་གར་སློབ་དཔོན་བི་མ་ལ་མི་ཏྲ་དང་། བོད་ཀྱི་ལོ་ཙཱ་བ་སྐ་ཅོག་གསུམ་གྱིས་བསྒྱུར
144a6 ཅིང་ཞུས་ཏེ་གཏན་ལ་ཕབ་པ། ལྷ་མོ་འོད་ཟེར་ཅན་གྱི་རྒྱུད་རྫོགས་སོ།། །།
iiif viewer powered by OpenSeadragon
