| e-texts navigator |
| Wylie |
143b1 ཆད་དམ། ཡོད་ན་ཇི་ལྟར་གནས་བསྟན་དུ་གསོལ། བཤད་དུ་གསོལ། ཞེས་ཞུས་ཏེ། དེ་ནས་ཡང་བཅོམ་ལྡན་འདས་འོད་ཟེར་གྱི་ཕུང་པོ་ལྔའི་ཏིང་ངེ་འཛིན་ལས་བཞེངས་ཏེ། རིགས་ཀྱི་བུ་སྙིང་པོ་བྱང་ཆུབ་ཀྱི་སྐུ་དྲི་མ
143b2 མེད་པའི་ཡེ་ཤེས་སོ་སོ་མ་ཡིན་ཐ་མི་དད་པས། འགྲོ་བ་ཡོངས་ལ་ཁྱབ་པའི་ཕྱིར། དེ་བཞིན་གཤེགས་པ་ལ་ལ་སྟོབས་དང་མི་འཇིགས་པ་ཇི་ལྟར་གནས་པ་དེ་བཞིན་དུ་འགྲོ་བ་ཡོངས་ལ་ཁྱབ་སྟེ། དཔེར་ན་སྐྱེས་བུའི
143b3 བྱད་རང་ལ་ཡོད་ཀྱང་མེ་ལོང་མ་བསྟན་པར་རང་གི་བཞིན་མི་མཐོང་བ་དེ་བཞིན་དུ། སྟོབས་དང་མི་འཇིགས་པ་ཡོད་ཀྱང་སེང་གེའི་བུ་མའི་མངལ་དུ་བཙས་པ་བཞིན་འདོན་མ་ནུས་ཏེ། ཡེ་ཤེས་སྣང་བའི་བག་ལ་ཞ
143b4 བཔས། ཐབས་མཁས་པས་བསྟན་པར་བྱའོ།། ཁྱོད་ཉོན་ཅིག། བྱང་ཆུབ་སེམས་དཔའ་དཔག་ཏུ་ཡོད་པའི་འོད་ཟེར་ལྔ་རང་ཆས་སུ་གནས་ཏེ། ཤེས་བྱའི་སྒྲིབ་པ་ཤེས་རབ་ཀྱི་དཔག་ཏུ་ཡོད་དོ།། ལྷ་རྣམས་ལ་གཞལ་དུ
143b5 ཡོད་པའི་འོད་ལྔ་རང་ཆས་སུ་གནས་ཏེ། དེ་ཡང་མོས་པའི་སྤྱོད་པའི་བསོད་ནམས་ལས་གྲུབ་པས་མངོན་དུ་སྣང་བའོ།། མི་རྣམས་ལ་མཚོན་དུ་ཡོད་པའི་འོད་ལྔ་རང་ཆས་སུ་གྲུབ་པས། དེ་ཡང་ཤེས་རབ་ཟབ་མོ
143b6 བསྟན་དཀའ་བ།། ཟག་མེད་ཀྱི་སྙིང་པོ་བྱང་ཆུབ་སེམས།། མཚོན་གང་འོད་ཀྱི་དཀྱིལ་འཁོར།། སྙིང་པོ་བྱང་ཆུབ་སེམས་ཀྱི་སྐུ།། ཟབ་ཅིང་ཆ་ཕྲ་འགག་མེད་རང་བཞིན་གསལ།། ཞེས་འབྱུང་སྟེ། སེང་ཕྲུག་མ་དང
iiif viewer powered by OpenSeadragon
