| e-texts navigator |
| Wylie |
143a1 གེ་མེད་པའི་རྒྱུད་དུ་འདས། ལུང་ཐམས་ཅད་སྙིང་པོ་བྱང་ཆུབ་སེམས་སུ་འདས། མན་ངག་ཐམས་ཅད་བྱ་བཙལ་མེད་པར་འདས། དེ་དག་ཐམས་ཅད་ཀྱང་ཆོས་ཡིན་ཏེ། ཆོས་ཐམས་ཅད་རྣམ་པར་གྲོལ
143a2 བའི་ཡེ་ཤེས་ཀྱི་ཀློང་དུ་འདས། སངས་རྒྱས་ཐམས་ཅད་སངས་རྒྱས་མེད་པའི་ཀློང་དུ་འདས་སོ།། འདས་ཞེས་བྱ་བའི་ཚིག་དེ་དག་ཐམས་ཅད་ཀྱང་། ཆོས་ཀྱི་རྒྱན་དུ་སྤྲོས་པ་ཡིན་ཏེ། དེ་ཙམ་ལས་ཀྱང་འདས་ན།
143a3 རིགས་ཀྱི་བུ་ཆོས་ཐམས་ཅད་ནི་ཚིག་གི་བླ་དྭགས་སོ།། རིགས་ཀྱི་བུ་བྱང་ཆུབ་ཀྱི་སྙིང་པོ་ལ་སྙིང་པོ་ཡོད་མེད་ཀྱི་མཐའ་ལས་འདས་སོ།། སྐུ་གསུམ་དུ་གནང་བར་བསྟན་པ་ཡང་།། དངོས་པོ་མེད་པར་རང་བཞིན་གྱི
143a4 རྡུལ་ཤེས་བྱ་ལ་མ་རྨོངས་པའོ།། གང་གིས་གང་ལ་དྲིས་པ་དེ། དེ་ཡིས་དེ་ལ་དེ་བསྟན་པ།། དེ་ཡི་རྣམ་པར་གྲོལ་བའོ།། དེ་ཐོབ་དེ་མཐོང་དེ་མི་གནས།། དེ་གྲོལ་དེ་ཡི་ཐམས་ཅད་ཤེས།། དེ་མེད་པར་ཡང་དེའི་འབྱུང
143a5 ངོངོ།། ཞེས་ལྷ་མོ་འོད་ཟེར་ཅན་གྱི་རྒྱུད་ལས། འོད་ཟེར་རྣམ་པར་དག་པར་བསྟན་པའི་ལེའུ་སྟེ་གཉིས་པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་དག་པར་རྫོགས་པའི་སངས་རྒྱས
143a6 ལ། སྒྱུ་མ་ལྟ་བུའི་སྐུ་དང་ཐུགས་རྗེའི་འོད་ཟེར་འབྱུང་བ་ལགས་ན་ཁམས་གསུམ་གྱི་སེམས་ཅན་ལ་འོད་ཟེར་ཇི་ལྟར་གནས། སྙིང་པོ་བྱང་ཆུབ་ཀྱི་སེམས་སུ་ནི་གཅིག་ན། འོད་ཟེར་མེད་ན་ཐུགས་རྗེའི་རྒྱུན་ཐག་མ
iiif viewer powered by OpenSeadragon
