| e-texts navigator |
| Wylie |
142b1 ཕྱིར་ཞེ་ན། འོད་ཟེར་དེ་ལ་རང་བཞིན་མེད་པས་ནམ་མཁའི་མཐའ་དང་མཉམ་ལ། འོད་དེ་མ་འདྲེས་ལ་ཡོངས་སུ་རྫོགས་པར་གནས་པས། དཔེར་ན་ནམ་མཁའ་དང་རི་མོའི་ཚུལ་དུ་གནས་སོ།། དེའི་ཕྱིར་བྱང་ཆུབ
142b2 ཉིད་སྙིང་པོའི་རང་བཞིན་དུ་འོད་དུ་གསལ། སྙིང་པོ་རྣམ་དག་ཡེ་ཤེས་འོད་གསལ་ཅེས་གསུངས་སོ།། དེ་ཡང་ཐུགས་རྗེ་འབྱུང་བའི་དུས་སུ་སྒོ་ཐམས་ཅད་ནས་འོད་ཟེར་ལྔ་ལྔ་འབྱུང་སྟེ། སེམས་ཅན་ལ་བསྟན་པའི
142b3 སྙིང་པོ་རེ་རེ་འབྱུང་ངོ་།། ཀྱེ་སེམས་དཔའ་ཆེན་པོ་ངས་སེམས་ཅན་གྱི་དོན་དུ་སྐུ་གསུམ་གྱི་ཐུགས་རྗེ་བསམ་གྱིས་མི་ཁྱབ་པར་བསྟན་ཀྱང་། དོན་བརྗོད་པ་ལས་འདས་པའི་ཆོས་སངས་རྒྱས་མེད་པའི་ཀློང་དུ་ལ་བཟླས
142b4 ན། བསྐྱེད་རྫོགས་རྣམ་པ་གསུམ་དུ་འདུ་བྲལ་མེད་པར་མ་བསྟན་ན། སངས་རྒྱས་ཀྱང་ཐུགས་རྗེ་འབྱུང་བའི་སྒོ་འགགས་པས། དཔེར་ན་ཨུ་དུམ་པ་རའི་མེ་ཏོག་གི་ཚུལ་དུ་བསྟན་ཏོ།། སྐུ་དེ་ལྟར་བསྟན་ཀྱང་བསྡུ་བ
142b5 གཅིག་ཏུ་མ་བསྡུས་ན། ཆོས་ཐམས་ཅད་ཀྱི་མདོ་མི་འདུས་ཏེ། དེའི་ཕྱིར་རིགས་ལྔ་འབྱེད་པར་འདས། སྐུ་ལྔ་ངོ་བོ་ཉིད་ཀྱི་སྐུར་འདས། ཡུམ་ལྔ་མཁའ་འགྲོ་ཀློང་རྣམ་པར་དག་པར་འདས། ཡེ་ཤེས་ལྔ་མི་གནས་པའི
142b6 ཡེ་ཤེས་ཆེན་པོར་འདས། ཕྱི་ནང་གི་འབྱུང་བ་ལྔ་ནམ་མཁའ་ཆེན་པོར་འདས། འོད་ལྔ་རང་བྱུང་གི་འོད་ཆེན་པོར་འདས། ཟེར་ལྔ་ཐུགས་རྗེའི་རྩལ་དུ་འདས། རྒྱུད་ཐམས་ཅད་ཀུན་ཏུ་བཟང་པོ་རྩ་བའི་རྒྱུད་ཆེན་པོ་ཡི
iiif viewer powered by OpenSeadragon
