| e-texts navigator |
| Wylie |
141b1 པདྨོ་ལས་འོད་ཟེར་ལྔ་སྤྲོས་ཏེ། བྱང་ཆུབ་སེམས་དཔའ་ཆེན་པོ་ཁྱོད་ཀྱིས་དྲི་བ་གསུམ་དྲིས་པ་དེ་ལེགས་སོ།། ཡང་དག་པར་རྫོགས་པའི་སངས་རྒྱས་ལ་སྐུ་རྣམ་པར་དག་པ་ཡེ་ཤེས་སྒྱུ་མ་ལྟ་བུའི་སྐུ་འབྱུང་བ་ནི། ཡེ
141b2 ཤེས་ལྔའི་རྩལ་མ་འགགས་པར་འཆར་ཏེ། དེ་ཡང་ཤེས་རབ་འགག་པ་མེད་པ་སྟོང་པ། ཡེ་ཤེས་ཀྱི་སྙིང་པོར་གསལ་བ་དང་། ཤེས་རབ་མི་གཡོ་བ་མཉམ་པ་ཉིད་དུ་གནས་པ་དང་། ཤེས་རབ་རྒྱུན་མི་འཆད་པ་བྱེ
141b3 བྲག་ཐ་དད་དུ་ཤེས་པ་དང་། ཤེས་རབ་ཟག་པ་མེད་པ་ལྷུན་གྱིས་གྲུབ་པ་དང་། ཤེས་རབ་འགྱུར་བ་མེད་པ་རང་བཞིན་རྣམ་པར་དག་པ་དང་ལྔ་བྱ་བཙལ་མེད་པའི་བདག། སངས་རྒྱས་ཀུན་གྱི་རང་ལུས
141b4 ཡིན།། གཅིག་པུ་རབ་ཏུ་ཆེ་བའི་ལྷ།། ནམ་མཁའ་ཉི་མའི་ཚུལ་དུ་གནས།། རྡོ་རྗེ་ལྟ་བུའི་ཏིང་འཛིན་ལ།། འདུ་འབྲལ་མེད་པར་རྟག་པར་བཞུགས།། ཞེས་བཀའ་སྩལ་པས། མགོན་པོ་སྤྱན་རས་གཟིགས་ཉིད་ཡེ་ཤེས
141b5 ཀྱི་སྣང་བར་གང་རྒྱས་ཏེ་འོད་ཟེར་ལྔ་ཕྱོགས་བཅུར་ཁྱབ་པར་ཤར་ཏོ།། ཞེས་དྲི་བ་དྲིས་པ་གསུང་པས་མགོན་པོ་སྤྱན་རས་གཟིགས་ཀྱི་བདེན་པ་མཐོང་ངོ་།། དོན་ཐུགས་སུ་ཆུད་དོ།། ཞེས་ལྷ་མོ་འོད་ཟེར་ཅན་གྱི་རྒྱུད
141b6 ལས། ཆོས་ཀྱི་སྐུ་ལ་འོད་ཟེར་འབྱུང་བར་བསྟན་པའི་ལེའུ་སྟེ་དང་པོའོ།། །། དེ་ནས་བྱང་ཆུབ་སེམས་དཔའ་ཆེན་པོས་རྡོ་རྗེ་འཛིན་གྱི་མདུན་དུ་བཀའ་ནོད་པའི་ཚུལ་དུ་ཐལ་མོ་སྦྱར་ནས། ཐུགས་རྗེ་ཆེན་པོ
iiif viewer powered by OpenSeadragon
