| e-texts navigator |
| Wylie |
140b1 བཞིན་དུ་ལས་ལ་སྦྱར།། རྫོགས་དང་རྒྱུད་ལུང་མན་ངག་བཤད།། ང་ཡིས་བསྟན་པའི་ཚེ་དབང་འདི།། མ་བསྐུར་བར་དུ་བཤད་པ་མིན།། ཅེས་དགའ་རབ་རྡོ་རྗེས་འཇམ་དཔལ་ལ་གདམས་པའོ།། ཞེས་ཡེ་ཤེས་བླ
140b2 མའི་ལེའུ་ལག་རྫོགས་སོ།། །། སྠི། @#།། རྒྱ་གར་སྐད་དུ། དེ་ཝཱི་མ་རི་ཙྱཻ་ཏ་ཏནྟྲ། བོད་སྐད་དུ། ལྷ་མོ་འོད་ཟེར་ཅན་གྱི་རྒྱུད། བཅོམ་ལྡན་འདས་དཔལ་རྡོ་རྗེ་སེམས་དཔའ་སྐུ་གསུམ་ཡེ་ཤེས
140b3 ལྔའི་བདག་ཉིད་དུ་སྣང་བ། བྱང་ཆུབ་སེམས་ཀྱི་ལྷ་མོ་གསལ་བའི་སྒྲོན་མ་མར་མེ་མཛད་གཙུག་གི་རྒྱན་གཅིག་མ་ལ་ཕྱག་འཚལ་ལོ།། ཆོས་ཀྱི་སྐུ་མཚན་མའི་ཡུལ་ལས་འདས་ཀྱང་། གཟུགས་ཀྱི་སྐུ་མངོན་པར་སྣང
140b4 བས། སངས་རྒྱས་ཀྱི་བདེན་པ་མཐོང་བར་བྱེད་པ། ལྷ་མོ་འོད་ཟེར་ཅན་གྱི་རྒྱུད་འདི་གྲོལ་བར་བྱའོ།། རིགས་དྲུག་གི་སེམས་ཅན་ལ་ཆོས་ཀྱི་སྐུ་རང་བཞིན་གྱི་གསལ་བ་ལྔ་ཡོད་དེ། དེ་ཡང་ཡང་དག་པར་རྫོགས་པའི
140b5 སངས་རྒྱས་ལ་འོད་དཔག་ཏུ་མེད་པར་གནས་སོ།། བྱང་ཆུབ་སེམས་དཔའ་རྣམས་ལ་དཔག་ཏུ་ཡོད་པར་གནས་སོ།། ལྷ་རྣམས་ལ་གཞལ་དུ་ཡོད་པར་གནས་སོ།། མི་རྣམས་ལ་མཚོན་དུ་ཡོད་པར་གནས་སོ།། ངན
140b6 སོང་གསུམ་ལས་སེམས་རང་གསལ་བ་ཙམ་དུ་གནས་སོ།། མཛོད་བུའི་འོད་ཟེར་མ་འགགས་མཁྱེན་མངའ་བ།། མགོན་པོ་སྤྱན་རས་གཟིགས་ལ་ཕྱག་འཚལ་ལོ།། ལྷ་མོ་འོད་ཟེར་ཅན་གྱི་རྒྱུད་འདི་ལ་ལེའུ་གསུམ
iiif viewer powered by OpenSeadragon
