| e-texts navigator |
| Wylie |
140a1 ཅིག། བཀྲ་མི་ཤིས་པའི་དབང་གནས་དང་། ཡ་ག་བར་ཆད་ཀྱི་གནས་དང་དེ་ལ་རྨེ་ཤ་ཅན་གྱི་གྲོང་ཁྱེར་དུ་གཏུགས་པས། ཟིན་པའི་གྲོང་ཁྱེར་དུ། ལྷ་འདྲེ་དྲག་པོ་རྒྱུ་སྲང་དང་།། བསོད་ནམས་ཟད་པའི
140a2 གྲོང་ཁྱེར་དང་།། མགར་བ་ལྷམ་མཁན་ཡུག་ས་མོ།། གྲོང་ཁྱེར་ཆེན་པོའི་དབུས་དག་ཏུ།། རྣལ་འབྱོར་པ་ཡིས་དོན་མི་འགྲུབ།། ཅེས་གསུངས་སོ།། རི་གསུམ་འདུས་པའི་རྩེ་མོ་དང་།། རྩི་ཤིང་སྨན་ལྗོངས་བྱ་སྐད
140a3 སྙན།། རྒྱབ་མཐོ་མདུན་གཞོལ་གཞོག་སྐྱབ་པ།། གཞན་ཡང་བཀྲ་ཤིས་ཉམས་དགའ་ཡིད་འཐད་དང་།། བསོད་ནམས་གྲུབ་པའི་དགོན་པ་དང་།། གྲོང་ཟད་མཐའ་དང་ནགས་ཚལ་དུ།། དམ་པའི་དོན་དེ་སྒྲུབ་པར
140a4 གསུངས།། ཞེས་ཡེ་ཤེས་བླ་མ་ཆེན་པོའི་རྒྱུད་ལས། དབང་བསྐུར་བླ་མ་རིན་པོ་ཆེའི་རྒྱུད།། སངས་རྒྱས་མར་མེ་མཛད་སྟོང་གི་གཙུག་ཕུད་རིན་པོ་ཆེས་མཛད་པ་ལས་ལེའུ་བཞི་པའོ།། །། ཨཱ་ཙརྱ་བི་མ་ལ་མི་ཏྲ
140a5 དང་། བོད་ཀྱི་ལོ་ཙ་བ་སྐ་ཅོག་ཞང་གསུམ་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། རྫོགས་སོ།། །། ཐ་རས་རྒྱ་ཡིས་བཏབ་བོ།། སྔོན་དུ་འགྲོ་བའི་བསྟེན་པ་སྟེ་སྟ་གོན་ཆོ་ག་རྫོགས་པའོ།། དང་པོ་ལ
140a6 ནི་སྒྲུབ་པ་འབྱུང་།། ཏིང་འཛིན་སྔགས་དང་འཕྲོ་འདུ་བྱ།། གཉིས་པ་ཚེ་དབང་བསྐུར་བར་བྱ།། གསུམ་པ་ཡེ་ཤེས་སྤྱི་བླུགས་དང་།། བཞི་པ་སངས་རྒྱས་རབ་བདུན་དང་། ལྔ་པ་རིག་པ་རྩལ་གྱི་དབང་།། རིམ་པ
iiif viewer powered by OpenSeadragon
