| e-texts navigator |
| Wylie |
139a1 པ། ཀྱེ་ཀྱེ་ཐུགས་རྗེ་ཆེན་པོ་མ་འོངས་པའི་སེམས་ཅན་རྣམས་ལ། ཚེ་དབང་རིན་པོ་ཆེ་གདམས་པའི་དུས་སུ། སློབ་མའི་སྐྱོན་ཡོན་བསྟན་པ་དང་།། དུས་དང་གནས་ཀྱི་སྐྱོན་ཡོན་གང་།། རྡོ་རྗེ་འཆང་གིས
139a2 བསྟན་དུ་གསོལ།། ཅེས་ཞུས་ཏེ། རྡོ་རྗེ་འཛིན་པ་ཉོན་ཅིག། སློབ་མའི་སྐྱོན་ཡོན་རྣམ་གཉིས་ཏེ། སྤང་བར་བྱ་བའི་སློབ་མ་བཞི།། དང་དུང་བླང་བའི་སློབ་མ་བཞི།། བློ་དམན་ཤེས་རབ་ཆུང་བ་དང་།། བུད་མེད་ལུས་ནི
139a3 དམད་པ་དང་།། གསང་དབང་མེད་པར་རྫོབ་པ་ལ།། རྒྱུད་ཀྱི་རྒྱལ་པོ་དོན་མི་བཤད།། བཤད་ཀྱང་བློ་རྒྱུད་མ་གྲོལ་བས།། དེ་བས་ཞིབ་ཏུ་བསྟན་པ་མེད།། སེང་གེ་དཀར་མོའི་འོ་མ་འདི།། རིན་ཆེན་གསེར་གྱིས
139a4 འཛིན་གྱུར་གྱི།། སྣོད་ངན་གཞན་དུ་བླགས་པ་ན།། སྣོད་འཇིག་འོ་མ་འབོ་བར་འགྱུར།། ཞེས་གསུངས་སོ།། དད་ལྡན་བརྩོན་འགྲུས་ཆེ་བ་དང་།། བླ་མ་ལ་ནི་གུས་པའོ།། བློ་བརྟན་འགྱུར་མེད་སྒོམ་སྲན་ཆེ།། རྟག་ཏུ
139a5 སྙིང་རྗེ་ལྡན་གྱུར་པ།། དེ་ནི་སྒྲུབ་པ་པོ་རུ་བཞག། སྒྲུབ་པ་བརྩོན་ཞིང་དམ་ཚིག་ཆེ།། ཞེ་གནག་ཁོང་གདུག་བརྟན་པར་སྨྲ།། བསྟན་པ་བསྲུང་བའི་སྣོད་དུ་བཞག། བུད་མེད་མགོ་འགར་ཤེས་རབ་ཟབ།། དད་པ་བརྟན
139a6 ཞིང་ཐེག་ཆེན་མོས།། དེ་ནི་སྙིང་རྗེའི་སློབ་མར་བཞག། ཀྱེ་རྡོ་རྗེ་འཛིན་པ་ཉོན་ཅིག། ཚེ་དབང་རིན་ཆེན་རྫོགས་ཕྱེད་པའི།། དུས་ཀྱི་སྦྱོར་བ་བསྟན་པ་ནི།། རྣམ་པ་བཞི་རུ་ཤེས་བྱ་སྟེ།། དེ་ཡི་མདོ་ནི་བསྡུ་བ
iiif viewer powered by OpenSeadragon
