| e-texts navigator |
| Wylie |
138b1 བཙལ་དང་བྲལ་བའི་སྐུ་ཐོབ་པར་གྱུར་ཏོ།། རིགས་ཀྱི་བུ་རྡོ་རྗེ་ལྟ་བུའི་སྐུ་དུས་གསུམ་དུ་མི་འགྱུར་བར་བསྟན་པའི་དུས་སུ། སྤྲོས་པའི་མཐའ་ལས་འདས་ཏེ། ཐུགས་རྗེ་འབྱུང་བའི་སྒོ་མ་འགགས་པས། སྤྲུལ་པའི་སྐུ
138b2 གསུང་རིག་པའི་ཁུ་བྱུག་ཏུ་བསྒྲགས་སོ།། དེ་བཞིན་དུ་རྟགས་ཀྱི་རྡོ་རྗེ་དང་དྲིལ་བུས་དབང་བསྐུར་བས། རིགས་ཀྱི་བུ་རྡོ་རྗེས་ནི་འགྱུར་བ་མེད་པ་ལ། དྲིལ་བུས་ནི་ཐུགས་རྗེའི་རྩལ་འགག་པ་མེད་པའི་དབང་ཐོབ
138b3 པར་གྱུར་ཏོ།། ཀྱེ་རིགས་ཀྱི་བུ་མ་འོངས་པའི་སེམས་ཅན་རྒྱུད་དག་པ་རྣམས་ལ་ངས་བསྟན་པ་བཞིན་བྱོས་ཤིག། ཅེས་བཀའ་བསྒོ་ནས། དགའ་རབ་རྡོ་རྗེ་དེ་བཞིན་དུ་མཛད་པ་ནི། གནམ་ལ་རྡོ་རྗེ་ཟམ་མ་ཆད་དེ་ལྟ
138b4 བ་མི་འགྱུར་བ་ལ་བཞག། ས་ལ་དཀྱིལ་འཁོར་རིགས་མ་ཡལ་ཏེ། རྟོགས་པའི་ཡེ་ཤེས་རང་གསལ། བར་ན་གདམས་ངག་ཟམ་མ་ཆད་དེ། དུས་གསུམ་གྱི་སངས་རྒྱས་དགོངས་པ་བརྒྱད་པ་དང་། རིགས་འཛིན
138b5 བརྡས་བརྒྱུད་པ་དང་། གང་ཟག་རྣ་བས་བརྒྱུད་པ། རྒྱུད་མན་ངག་ཏུ་དྲིལ་ནས་གཏེར་དུ་སྦས་སོ།། སངས་རྒྱས་མར་མེ་མཛད་སྟོང་གི་གཙུག་ཕུད་རིན་པོ་ཆེ། རིག་པ་རང་ཤར་གྱི་དགོངས་པ། རིག་པ་སྤྱི་བླུགས་ཀྱི
138b6 དབང་དུ་བསྟན་པ། ཡེ་ཤེས་བླ་མ་ཆེན་པོའི་རྒྱུད་ལས། དབང་བསྐུར་བླ་མ་རིན་པོ་ཆེའི་རྒྱུད་བསྟན་པའི་ལེའུ་སྟེ་ལེའུའི་ལག་གསུམ་པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་ཞུས
iiif viewer powered by OpenSeadragon
