| e-texts navigator |
| Wylie |
138a1 ལ་ཆེན་པོའི་སྙིང་པོ་མེ་ཏོག་པདྨ་ཁ་སྟོང་དང་ལྡན་པའི་སྦུབས་ནས་འཐན་ཏེ། སྐུ་ཡོངས་སུ་རྫོགས་པའི་དུས་སུ། རང་གི་སྙིང་པོ་བྱང་ཆུབ་ཀྱི་སེམས་གསལ་བའི་སྒྲོན་མེར་ཤར་ཏེ། ངས་མཐོང་མ་མྱོང
138a2 བའི་ཡུལ་མཐོང་ངོ་།། རིགས་ཀྱི་བུ་དེ་བཞིན་དུ་ཡེ་ཤེས་ཀྱི་མར་མེ་གསལ་བའི་སྒྲོན་མ་འདིས་དབང་བསྐུར་བས། མ་རིག་པའི་ལིང་ཏོག་བསལ་ནས། སངས་རྒྱས་ཀྱི་བདེན་པ་མཐོང་བར་འགྱུར་རོ།། རིགས་ཀྱི་བུ
138a3 རང་རིག་པའི་ཡེ་ཤེས་ལ་འགྱུར་བ་མེད་ཅིང་། རྣམ་རྟོག་གིས་མ་བསླད་པས། ཡིད་གང་དུ་ཡང་འཇུག་པ་མེད་དོ།། རིགས་ཀྱི་བུ་དེ་བཞིན་དུ་རིན་པོ་ཆེ་གསེར་གྱི་ཐུར་མས་དབང་བསྐུར་བས། འགྱུར་བ་མེད་པར་རྣོལ
138a4 མྱུར་བའི་སྟོབས་དང་ལྡན་པར་གྱུར་ཏོ།། རིགས་ཀྱི་བུ་སངས་རྒྱས་ཀྱི་ཞིང་ཡོངས་སུ་དག་པའི་ཡུལ་དུ་སྣང་བའི་དུས་སུ། གཟུང་འཛིན་གྱི་མཐའ་ལས་འདས་སོ།། རིགས་ཀྱི་བུ་དེ་བཞིན་དུ་མེ་ལོང་ལྟ་བུའི་ཡེ་ཤེས
138a5 འདིས་དབང་བསྐུར་བས། སངས་རྒྱས་ཀྱི་ཞིང་ཡོངས་སུ་དག་པ་སྣང་བར་གྱུར་རོ།། རིགས་ཀྱི་བུ་རང་བྱུང་གི་ཡེ་ཤེས་ལ་འགག་པ་མེད་པར་ཤར་བའི་དུས་སུ། སྐུ་གསུམ་གྱི་སྣང་བ་མངོན་དུ་གྱུར་ཏེ། ཡེ་ཤེས་ཀྱི
138a6 གཟུགས་བརྙན་ལ་ཐིམ་པའི་དུས་སུ། ལེན་མ་མྱོང་བའི་ལུས་བླངས་ཏེ་བྱང་ཆུབ་ཀྱི་སྙིང་པོ་ལ་བྱང་ཆུབ་ཀྱི་སྙིང་པོར་ཤར་རོ།། རིགས་ཀྱི་བུ་དེ་བཞིན་དུ་འོད་གསལ་བ་འདིས་དབང་བསྐུར་བས། སྙིང་པོ་བྱང་ཆུབ
iiif viewer powered by OpenSeadragon
