| e-texts navigator |
| Wylie |
137a1 སྡུག་བསྔལ། བདེ་བ་ཆེན་པོ་ལོངས་སྤྱོད་དུ་གྱུར་ཏོ།། དེ་ཡན་ཆད་ཐུབ་པ་དྲུག་གི་ཕྱག་མཚན་གྱིས་དབང་བསྐུར་བར་བསྟན་པའོ།། །། དེ་ནས་པཎྜི་ཏས་དབང་བསྐུར་བ་ནི། གནམ་ལ་རྡོ་རྗེ
137a2 ཟམ་མ་ཆད།། ས་ལ་དཀྱིལ་འཁོར་རིགས་མ་ཡལ།། བར་ན་གདམས་ངག་ཟམ་མ་ཆད།། ཅེས་འབྱུང་སྟེ། སློབ་དཔོན་དགའ་རབ་རྡོ་རྗེས། འཇམ་དཔལ་བཤེས་གཉེན་ལ་སོགས་པ་རིམ་པར་དབང་དང་འབྲེལ་བའི
137a3 ཆོས་བསྟན་པའི་ཚེ། སློབ་མ་བཀྲག་དང་གཟི་མདངས་བསྐྱེད་ཅིང་། ལྷའི་ལོངས་སྤྱོད་ཐོབ་པར་བྱ་བའི་ཕྱིར། འདོད་པའི་ཡོན་ཏན་ལྔས་དབང་བསྐུར་ཏེ། ཚེ་དང་། གལ་ཕྱི་དང་། ཛ་ག་དང་། ཛ་ག་ཏི་དང་། བླ་གོད
137a4 དང་། ཟླ་རྒྱས་དང་། ཟླ་ཁྲོམ་དང་། ཟླ་ཚེས་དང་། དྲག་པོ་དང་། ཀུན་ཏུ་རྒྱུ་ལ་སོགས་ཏེ། འདོད་པའི་ཡོན་ཏན་ལྔས་དབང་བསྐུར་རོ།། དེ་བཞིན་དུ་རིགས་ཀྱི་བུ་ཁྱོད་ལ་དབང་བསྐུར་བས། ལོངས་སྤྱོད་ཕུན་སུམ
137a5 ཚོགས་པ་ལ་ལོངས་སྤྱོད་པར་གྱུར་ཅིག། ཅེས་ཡེ་ཤེས་བླ་མ་ཆེན་པོའི་རྒྱུད་ལས། དབང་བསྐུར་བླ་མ་རིན་པོ་ཆེའི་རྒྱུད་ཕྱུང་སྟེ། ཡེ་ཤེས་སྤྱི་བླུགས་སུ་དབང་བསྐུར་བར་བསྟན་པའི་ལེའུ་སྟེ་གཉིས་པའོ།། །། དེ
137a6 ནས་བྱང་ཆུབ་སེམས་དཔའ་སེམས་དཔའ་ཆེན་པོས། སངས་རྒྱས་མར་མེ་མཛད་སྟོང་གི་གཙུག་ཕུད་རིན་པོ་ཆེ་ལ་ཕྱག་བཙལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ། མ་འོངས་པའི་སེམས་ཅན་རྣམས
iiif viewer powered by OpenSeadragon
