| e-texts navigator |
| Wylie |
136b1 པར་འདྲེན་པའི་སྟོབས་དང་ལྡན་པར་འགྱུར་རོ།། དེ་ནས་བདག་མ་ཡིན་པའི་འཇིག་རྟེན་གྱི་ཁམས་སུ། བྱོལ་སོང་གི་རྒྱལ་པོ་ཨ་བ་གླང་མགོ་ཅན་ཞེས་བྱ་བས། བྱོལ་སོང་གི་གཙོ་བོ་ལྔ་ལ་སོགས་ཏེ། གཏི་མུག་གི
136b2 བདག་ཏུ་འཛིན་པ་རྣམས་ལ། ཤིང་གི་རྒྱལ་པོ་ཡོངས་སུ་ས་བརྟོལ་དབུགས་འབྱིན་པ་དུས་སུ། ཤེས་རབ་ཀྱི་པོ་ཏི་དང་། ལྷའི་རོལ་མོ་དང་། སྒྲ་སྙན་དང་། བདེན་པའི་ཚིག་གིས་དབང་བསྐུར་རོ།། དེ་བཞིན་དུ་རིགས
136b3 ཀྱི་བུ་ཁྱོད་ལ་དབང་བསྐུར་བས། ཤེས་རབ་མ་རྨོངས་པ་དང་། ལྷ་དང་མིའི་མཛད་སྤྱོད་ཐམས་ཅད་ལ་ལོངས་སྤྱོད་པར་གྱུར་ཏོ།། དེ་ནས་འཇིག་རྟེན་གྱི་ཁམས་ཏིར་ཀ་ཞེས་བྱ་བ་ན། ཡི་དྭགས་རྒྱལ་མོ་ཁ་འབར་མ་ཞེས
136b4 བྱ་བས། ཤིང་གི་རྒྱལ་པོ་རྒྱུད་པའི་དུས་སུ། འཁོར་གྱི་པྲེ་ཏ་ཀ་ཞེས་བྱ་གསུམ་ལ། རིན་པོ་ཆེ་སྒྲོམ་བུ་དང་། འདོད་པའི་ཡོན་ཏན་ལྔས་དབང་བསྐུར་རོ།། དེ་བཞིན་དུ་རིགས་ཀྱི་བུ་ཁྱོད་ལ་དབང་བསྐུར་བས། འཇིག
136b5 རྟེན་གྱི་སྙིང་པོ་བྱང་ཆུབ་ལ་མ་གནས་ཀྱི་བར་རུ། ཡི་དྭགས་ཀྱི་སྡུག་བསྔལ་ལས་གྲོལ་བར་གྱུར་ཏོ།། དེ་ནས་འཇིག་རྟེན་གི་ཁམས་རྨེ་ཤ་ཅན་ཞེས་བྱ་བ་ན། གཤིན་རྗེ་ཆོས་ཀྱི་རྒྱལ་པོས། འཁོར་གྱི་མགོ་བརྙན་ཆེན་པོ
136b6 བཞི་ལ། དཔག་བསམ་གྱི་ཤིང་དང་། ཁྲུས་ཀྱི་རྫིང་བུ་དང་། ཡེ་ཤེས་ཀྱི་མར་མེ་དང་། སྙན་པའི་ཚིག་གིས་དབང་བསྐུར་རོ།། དེ་བཞིན་དུ་རིགས་ཀྱི་བུ་ཁྱོད་ལ་དབང་བསྐུར་བས། དམྱལ་ཁམས་བཅུ་དྲུག་གི
iiif viewer powered by OpenSeadragon
