| e-texts navigator |
| Wylie |
134b1 སློབ་མ་སྣོད་དང་ལྡན་བྱའི་ཕྱིར།། ཡེ་ཤེས་བདུད་རྩི་ཆེན་པོ་ཡིས།། ཕྱི་ནང་གསང་བའི་ཁྲུས་ཀྱང་ཞེས་འབྱུང་སྟེ། ལུས་ངག་ཡིད་གསུམ་གྱིས་ཁྲུས་ཀྱི་ཆོ་ག་བྱས་ཏེ། སྣོད་དག་པར་བྱས་ནས། གསང་སྔགས་ཀྱི་སྣོད་དུ
134b2 རུང་བར་བྱས་ལ། དབང་བསྐུར་བར་བྱའོ།། དེ་ཡང་ཡེ་ཤེས་སྤྱི་བླུགས་ཀྱི་དབང་རྫོགས་པར་བྱ་བ་ལ། ལོངས་སྤྱོད་རྫོགས་པའི་སྐུ་ལྔས་དབང་བསྐུར་ཏེ། ཤར་གྱི་བུམ་པ་བླངས་ཏེ། ཧཱུཾ། ཤར་ཕྱོགས་ཆོས་དབྱིངས
134b3 དངུལ་གྱི་བུམ་པ་ནི།། རྡོ་རྗེ་མི་བསྐྱོད་ཡབ་ཡུམ་སྐུ་བསྟན་པ།། བྱང་ཆུབ་སེམས་དཔའི་འཁོར་དང་བཅས།། སྙིང་པོ་དོན་གྱི་བཅུད་བསྡུས་ནས།། སྤྱི་བོ་ནས་ནི་དབང་བསྐུར་བས།། ཞེ་སྡང་འཁོར་བའི་རྒྱུན་བཅད
134b4 ནས།། མེ་ལོང་ལྟ་བུའི་ཡེ་ཤེས་ཀྱིས།། དབང་མཆོག་དེས་ནི་དབང་བསྐུར་རོ།། བཛྲ་ཀ་ལ་ཤ་ཨ་བྷི་ཥཉྩི་ཧཱུཾ། ལྷོ་ཕྱོགས་ཆོས་དབྱིངས་གསེར་གྱི་བུམ་པ་ན།། རིན་ཆ་ནེ་འབྱུང་ལྡན་ཡབ་ཡུམ་སྐུ་བསྟན་པ།། རིན་ཆེན
134b5 སེམས་དཔའ་འཁོར་དང་བཅས།། སྙིང་པོ་དོན་གྱི་བཅུད་བསྡུས་ནས།། སྤྱི་བོ་ནི་དབང་བསྐུར་བས།། ང་རྒྱལ་འཁོར་བའི་རྒྱུན་བཅད་ནས།། མཉམ་པ་ཉིད་ཀྱི་ཡེ་ཤེས་ཀྱིས།། དབང་མཆོག་དེས་ནི་དབང་བསྐུར
134b6 རོ།། རཏྣ་ཀ་ལ་ཤ་ཨ་བྷི་ཥཉྩི་ཏྲཾ། ནུབ་ཕྱོགས་ཆོས་དབྱིངས་ཟངས་ཀྱི་བུམ་པ་ནི།། སྣང་བ་མཐའ་ཡས་ཡབ་ཡུམ་སྐུ་བསྟན་པ།། པདྨའི་སེམས་དཔའི་འཁོར་དང་བཅས།། སྙིང་པོ་དོན་གྱི་བཅུད་བསྡུས་ནས།། སྤྱི་བོ
iiif viewer powered by OpenSeadragon
