| e-texts navigator |
| Wylie |
134a1 སྤེལ་ན།། ཚེ་དང་གཟི་བྱིན་རྒྱས་པར་སྤེལ།། ཚེའི་བུམ་པ་བསྟན་པ། བཅོམ་ལྡན་མགོན་པོ་ཡེ་ཤེས་ཚེ་དཔག་མེད།། མཁའ་དབྱིངས་རྣམ་དག་ཡུམ་གྱི་གཞལ་ཡས་ན།། རྡོ་རྗེ་ཡེ་ཤེས་དཔལ་གྱི་གཡུང
134a2 དྲུང་སྐུ།། བྱང་ཆུབ་བདེ་མཆོག་རོལ་པ་ཐབས་ཀྱི་གཙོ།། གཉིས་མེད་རོལ་བ་ཐུགས་ཀྱི་དཀྱིལ་འཁོར་ནས།། བྱང་ཆུབ་སེམས་རྒྱུད་ཡེ་ཤེས་ཐུགས་རྗེ་ཡིས།། སྐལ་ལྡན་རྣམས་ལ་ཚེ་ཡི་དངོས་གྲུབ་སྩོལ།། སྤྲོས་པས
134a3 འཇིག་རྟེན་ཀུན་གྱི་བཀྲག་དང་ལྡན།། མནན་པས་ཁམས་གསུམ་ཡོངས་ཀྱི་མདངས་དང་ལྡན།། བསྡུས་པས་སྲིད་པ་གསུམ་གྱི་དབང་དང་ལྡན།། བཅིངས་པས་འབྲལ་མེད་རྡོ་རྗེ་ལུ་གུ་རྒྱུད།། བརྟན་པས་མི་འགྱུར་རྡོ།
134a4 རྗེ་ལྷུན་པོ་འདྲ།། བདག་ནི་སྐལ་ལྡན་རྡོ་རྗེ་བདེ་ཆེན་ཏེ།། ཁམས་གསུམ་བརྗིད་མཆོག་ཚེ་ཡི་དངོས་གྲུབ་སྩལ་དུ་གསོལ།། དེ་ནས་ཚེ་བརྟན་ཞིང་བཀྲ་ཤིས་པར་བྱ་བའི་ཕྱིར། རྡོ་རྗེ་སེམས་དཔའི་ཚེ་སྒྲུབ་གཞུང་དང
134a5 མཐུན་པར་བྱས་ནས། རྣལ་འབྱོར་ཆེའི་པོ་ཏི་ཐོབ་པར་བྱེད་པ་ནི། རྡོ་རྗེ་སེམས་དཔའི་ཚེ་བསྒྲུབ་བསྟན་པའོ།། ཞེས་ཡེ་ཤེས་བླ་མ་རིན་ཆེན་བསྟན་པའི་རྒྱུད་དང་པོའོ།། རྡོ་རྗེ་སེམས་དཔའི་ཚེ་སྒྲུབ་བསྟན་པའི་ལེའུ་སྟེ
134a6 ལེ་ལག་དང་པོའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་དབང་བསྐུར་བའི་ཐབས་བསྟན་ཅིང་བཀྲུ་དང་བསྟན་དང་རྫོགས་པ་དང་།། མཐར་ཕྱིན་པ་ཡི་གདམས་ངག་གོ། ཞེས་འབྱུང་སྟེ།།
iiif viewer powered by OpenSeadragon
